Matthew 23:21 - Hawaii Pidgin Bible

²¹ Whoeva swea to God an tell, ‘I swea by da Temple,’ he swea to da God dat stay inside da Temple.

Matthew 23:21 交叉參考

Songs 26:8

Eh! You Da One In Charge! Fo real kine, I like da house wea you live! Fo real kine, I like go da place Wea peopo see how awesome you stay!

1 Kings 8:13

But now, I wen build Dis awesome Temple fo you, You can live inside dea, foeva!”

2 Records 6:2

I wen build one awesome Temple fo you, One spesho place fo you live dea foeva.”

Colosse 2:9

Eryting how God stay, stay inside Christ body too, an Christ, he one guy jalike us.

Efesus 2:22

Plus, you guys stay tight wit Christ. Az jalike God wen build you guys togedda fo come one house wea his Spirit stay inside.

2 Records 7:2

Da pries guys no can go inside da Temple Fo Da One In Charge, cuz da light dat show how awesome Da One In Charge shine all ova inside da Temple Fo Da One In Charge.

1 Kings 8:27

“But you know wat, God? How you goin make house Hea on top da earth, aah?! No can! You, mo big den da mos high part a da sky! Fo shua, no way you can live down hea Inside dis Temple dat I wen build!

Matthew 23:20

“Whoeva swea to God an tell, ‘I swea by da altar,’ he swea to God by all da gifs on top da altar too.