An da nex main Rule jalike dis one, ‘Get love an aloha fo da odda guy jalike you get love an aloha fo you.’ No mo anodda Rule mo importan den dis two Rules.”
“If one a yoa peopo do someting bad to you, no go do someting bad to dem too. No stay piss off wit um, but get love an aloha fo da odda guy, jalike you get love an aloha fo you. Me, Da One In Charge, tell dis.
Da Bible tell, “Get love an aloha fo da odda guy, jalike you get love an aloha fo you.” If you guys do dat, den you goin do eryting da Rules From God tell you fo do.
You know you stay do da right ting if you do wat God da King tell you gotta do. Da Rule inside da Bible tell, “You gotta get love an aloha fo da odda guy, jalike you get love fo you.”
No good you owe money to odda peopo. Love an aloha, dass da ony ting you suppose to owe peopo. Wen you get love an aloha, dat mean you do eryting da Rules tell you fo do awready.
