Matthew 21:19 - Hawaii Pidgin Bible

¹⁹ He spock one fig tree by da road. He go ova dea, an ony find leafs, no mo fruit notting. He tell um, “You no goin give fruit no moa!” Right den an dea da fig tree go dry up.

Matthew 21:19 交叉參考

Titus 1:16

Dey stan up in front erybody an tell, “God, I know him!” But den, dey turn aroun an ack jalike dey donno him. Nobody like stay wit dat kine peopo. Dey no lissen. Dey donno how fo do wass good.

John 15:6

Whoeva no stay tight wit me, dey jalike one branch dat no stay good. Dass da kine branch peopo throw out, an da branch dry up. Den dey go get all da odda dry branches, an throw um inside da fire fo burn.

Luke 3:9

You guys gotta do good kine stuff! Cuz jalike awready get one guy wit one ax, all ready fo cut da tree roots. All da trees dat no make good fruit, he goin cut um down, an throw um inside da fire.”

John 15:2

All da peopo dat tell dey stay tight wit me, but dey no do notting, my Faddah take um off, jalike da grape farma guy take off all da branches dat no mo fruit. An all da peopo dat stay tight wit me, he take away da junk kine stuff from inside dem, jalike wen da grape farma guy trim da branches fo dem get plenny fruit.

Mark 11:14

So he tell da fig tree, “Nobody goin eat fruit from you no moa!” His guys hear wat he wen tell.

Jesus Show 22:11

So whoeva like do da wrong kine stuff, let um stay do da wrong kine stuff. Whoeva like do pilau kine stuff, let um still do pilau kine stuff. Whoeva like do da right kine stuff, let um stay do da right kine stuff. An whoeva stay spesho fo God, let um stay spesho fo God.”

Jude 1:12

Wen you guys stay eat togedda cuz you get love an aloha fo each odda, dose buggahs mess you guys up. Dey ony come by you guys fo eat an party up. Dey ony kea fo dem. Dey no shame. Dey talk an dey no do wat dey tell dey goin do, jalike da clouds dat no mo watta an da wind blow um away. Dey jalike trees dat no mo fruit wen time fo pick da fruit. Jalike somebody wen pull up da tree by da roots, an da tree mahke awready.

2 Timoty 3:5

Dey goin ack jalike dey stay real religious, but dey tell erybody dea kine religion no mo powa. You gotta stay away from dat kine peopo.

Isaiah 5:2

He dig up da groun, Take away all da stones dea, An plant good kine grape plants. He build one towa in da middo Wea his worka guys can watch um. He even cut da stone one place nea dea Fo step all ova da grapes Fo press out da juice fo make wine. He wen wait fo da good grapes get fruit. But wat wen come out was real sour kine grapes.

Jeremiah 8:13

Dis anodda message too, from Da One In Charge: “I goin take away da food dey stay harves. No goin get grapes on top da grape plants. No goin get figs on top da fig trees. All da leafs goin dry up an fall down. All da tings I wen give dem, I goin take away from dem, An goin go some odda place!”

Matthew 21:20

His guys see dat. Dey tell, “Wow! Fas da fig tree dry up!” Dey no can figga how come.

Mark 11:20

Early da nex morning, dey pass by da fig tree, an see um all dry up from da root.