Matthew 19:24 - Hawaii Pidgin Bible

²⁴ I tell you guys one mo time, mo easy fo one camel go thru da puka inside one needle, den fo one rich guy fo get God in da sky fo his King.”

Matthew 19:24 交叉參考

John 5:44

You guys like talk good bout each odda, but you guys no do notting fo make da ony God dass fo real talk good bout you guys. Den how you guys goin trus wat I tell? No ways!

Luke 18:25

Az mo easy fo one camel go thru da puka in one needle, den fo one rich guy fo get God fo his king.”

Matthew 19:26

Jesus look strait at dem, an tell, “No mo nobody dat can do um, but ony God, he da One dat can do um.”

Jeremiah 13:23

You tink da Sudan guys can change dea skin color?! No can! You tink da leopards can change dea spots? Not even! Same ting fo you guys. No way you can change an do good kine stuff! You ony know how fo do bad kine stuff!

Matthew 23:24

You blind buggahs! You guys try fo show da odda guys wea fo go! You guys pick out one small fly from inside da soup, but den you let one big camel stay inside da soup, an you swallow da whole ting!

Matthew 19:25

His guys hear dat, an dat blow dea mind. Dey tell, “Eh, if dass how stay, den who can get outa da bad kine stuff dey stay in?”

John 3:3

Jesus tell him, “Dass right! An I tell you dis too: Whoeva not born one mo time God new way, dey no goin get God fo dea king.”

John 3:5

Jesus tell him, “Dass right! An I tell you dis too: Whoeva not born one mo time from watta an from God Spirit, dey no can get God fo dea king.