35 So Jesus tell da peopo fo sit down on top da groun.
Had plenny grass dea. Jesus tell his guys, “Make da peopo sit down.” So dey sit um down. Had bout five tousan guys dea.
But Jesus tell, “How much bread you guys get?” Dey tell him, “Seven small bread, an get litto bit fish.”
An he take da seven bread an da fish, an tell God mahalo plenny fo um. Den he broke um up, an give um to his guys. Dey give um to all da peopo.
