“Whoeva get love fo his faddah o his muddah mo den he get love fo me, dass not good enuff fo him be my guy. An whoeva get love fo his boy o his girl mo den he get love fo me, dass not good enuff fo him be my guy.
Dat time, da Levi guys neva make diffren kine Even to dea faddah an muddah guys. Dey neva even let go dea braddahs, O even dea kids. Cuz dey make shua fo do wat you tell, Da One In Charge, An dey watch ova da deal you wen make wit da peopo.
Az why from now, us no figga bout nobody da same way odda peopo figga. No matta befo time we wen figga bout Christ da same way odda peopo figga. Now, we no figga bout Christ dat way no moa.
