Matthew 12:43 - Hawaii Pidgin Bible

⁴³ “Wen one bad kine spirit no bodda one guy no moa, dat spirit go all ova da boonies fo find one place fo res, but da spirit no can find notting.

Matthew 12:43 交叉參考

Matthew 8:29

An dey yell, “Wat you like do to us, Jesus? You God Boy! You come hea fo make us suffa befo da time come, o wat?”

Isaiah 41:18

Jalike I goin make rivas come down on top da dry hills, An pukas fo watta inside da deep gulches. I goin change da boonies. An make um ponds fo watta wit watta plants all aroun. Da place dat no mo rain, I goin make da groun Come one place fo get watta.

Job 2:2

Da One In Charge tell Da One Dat Stay Agains God, “Wea you wen come from?” Da One Dat Stay Agains God tell Da One In Charge, “I stay go all ova da world fo see wat happen hea an dea.”

Job 1:7

Da One In Charge tell Da One Dat Stay Agains God, “Wea you wen come from?” Da One Dat Stay Agains God tell Da One In Charge, “I stay go all ova da world, checking out hea an dea.”

1 Peter 5:8

Use yoa head fo know wat fo do erytime! Watch out! Da Devil stay agains you. Dass why he stay go all ova da place jalike one wild lion, looking fo somebody fo him eat up.

Jesus Guys 8:13

Simon, he trus Jesus too, an Philip baptize him. An Simon stay tight wit Philip all da place he go. Philip do all kine awesome stuff dat show da powa he get, an dat blow Simon mind.

Songs 63:1

Eh God! You da God fo me! I stay look fo you. Me, I go all out fo find you, Jalike I go find watta wen I thirsty! I desperate fo see you, My body come weak, Till I find you! Jalike I stay one place Wea no mo rain an erybody tired Cuz no mo watta ova dea.

Matthew 12:44

Den he tell, ‘Eh, mo betta I go back da place I stay befo time.’ Wen he go dea, da guy goin be jalike one place dat stay empty cuz dey sweep um an fix um up.