Matthew 12:35 - Hawaii Pidgin Bible

³⁵ Da good guy, he good inside, an he do good kine stuff. Da bad guy, he bad inside, an he do bad kine stuff.

Matthew 12:35 交叉參考

Colosse 4:6

Weneva you guys talk, no talk any kine—talk wit aloha. An no talk ony bout da junk kine stuff. Dass jalike food dat no mo taste. Talk bout da kine good stuff. Dass jalike food dat stay ono, cuz get salt fo taste! Eh! Good fo know how fo talk to any kine guy.

Smart Guys 15:28

Da peopo dat do da right ting erytime, Wen somebody tell dem someting, Dey tink firs fo long time Bout wat dey suppose to tell back. But da bad kine peopo, Dey ony motormout fas fo tell pilau kine stuff.

Smart Guys 15:4

You tell peopo tings dat kokua dem, Dat make um come alive inside. Wen you tell dem words fo jam dem up, Dat make um lose fight.

Colosse 3:16

Make all da stuff you know bout Christ come strong inside you guys. Use all da smarts you guys get fo teach each odda. Show each odda wat stay right an wat stay wrong. Sing an tell God “Mahalo plenny” from inside you, wit all kine songs, da kine Songs Fo God, da kine songs dat tell God Da One In Charge, an da kine songs dat God Spirit give us fo sing.

Matthew 12:34

You guys jalike one snake ohana! You guys no good. How you guys goin talk good wen you guys not good, aah? Wateva stay inside you guys, goin come outa you guys mout.

Efesus 4:29

No go talk pilau kine stuff notting. But wen you talk, tell ony good kine stuff dat goin help da peopo dat lissen fo make um come mo strong inside. Cuz dey need fo hear da kine stuff dass ony good fo dem.

Smart Guys 15:23

Wen somebody aks you someting An you tell um someting dat help dem, You feel good inside. Wen you tell um someting dey need fo hear Right den an dea, Dass real good!

Smart Guys 12:6

Wen da bad kine peopo talk, Az ony fo dem catch odda peopo Den bumbye dey can kill um. Wen da good kine peopo talk, Az fo get peopo outa trouble.

Matthew 13:52

Jesus tell um, “All da teacha guys dat teach da Rules From God, an den go learn how dey can get God inside da sky fo dea King, dey jalike one rich guy dat bring out from his place new kine stuff an ol kine stuff too.”

Matthew 7:17

Da good kine tree goin give good kine fruit, an da no good kine tree goin give junk kine fruit.

Luke 6:45

Da good guy do good kine stuff cuz get good stuff inside him, an da bad guy do bad kine stuff cuz get bad stuff inside him. Da kine stuff somebody get inside goin come out thru da mout by wat da guy tell.

Job 8:10

Fo shua, yoa ancesta guys goin teach you an tell you. Dey goin give you words bout da tings dey undastan.