Mark 7:20 - Hawaii Pidgin Bible

²⁰ Den Jesus tell, “Da kine stuff dat come outa one guy, dass wat make him pilau inside fo him no pray.

Mark 7:20 交叉參考

James 3:6

An da mout jalike one fire. Erybody get mout, but wit yoa mout you can make one diffren kine world, wea eryting stay wrong. Da tings us guys tell wit da mout can make us come bad inside. Cuz wat we tell can make eryting come jalike get one fire stay burn you up inside. An dat kine fire come strait from Hell.

James 4:1

So den, how come you guys erytime like make argue an fight wit each odda? You know why you do dat? Cuz inside, you like go all out fo get someting, an same time, you like get anodda ting. Az why one part erytime stay fight anodda part.

Mark 7:15

Wat you guys put inside yoa mout no mean you pilau inside an no can pray cuz a dat. But wat come outa yoa mout, dass wat make you pilau inside an no can pray.

Micah 2:1

“Bummahs, fo da guys dat make plan fo do bad kine stuff! Dass wat dey tink bout wen dey res on top dea bed. Den wen da sun come up dey go do um, Cuz dey get da powa fo do um.

Songs 41:6

Dey come by me fo visit, But ony talk junk kine stuff. Dey like find out wen bad stuff Happen to me. Den dey go all ova da place Fo talk bout dat.

Hebrews 7:6

But Melkizedek, he one pries, no matta he neva have Levi fo his ancesta guy. But still yet, Melkizedek get ten percent from all da stuffs Abraham bring back. An Abraham, he da guy dat God make promises fo, but still yet, Melkizedek tell him, “I like God do plenny good kine stuffs fo you.”

Matthew 4:4

But Jesus tell, “Da Bible tell, “ ‘No mo nobody dat can live ony wit food, Gotta lissen eryting God tell, Fo live fo real kine.’ ”

Matthew 15:18

But wateva come outa da mout, come from inside. Dass wat make you pilau inside so you no can pray.

Mark 7:21

Get all kine bad kine stuff come out from inside peopo. Dass how erybody tink how dey can do bad kine stuff: dey not married to da one dey fool aroun wit; dey rip off da odda peopo; dey murda peopo; dey married an still yet go fool aroun;

Mark 7:23

All dat bad kine stuff, dass wat come from inside. Az why peopo stay pilau inside an dey no can pray.”