Mark 3:17 - Hawaii Pidgin Bible

¹⁷ James an his braddah John, Zebedee boys. He call um “Da Thunder Guys,” cuz dey da kine guys dat like make big noise.

Mark 3:17 交叉參考

Hebrews 4:12

Az cuz wat God tell stay alive, an get da powa fo do wat suppose to do, an stay mo sharp fo change us guys inside den one sharp sword dat two side sharp. Wat God tell cut deep inside fo show fo real kine how we tink an wat we like do, an even cut deep inside da joints an da bone marrow. Wat God tell judge wat we tink an how we tink bout stuff.

Mark 14:33

He take Peter, James, an John wit him. He come real sore inside an presha out.

Mark 5:37

Jesus ony let Peter, James, an James braddah John go wit him.

Jeremiah 23:29

“So. Wat I tell, burn jalike fire, an poun jalike one hamma dat broke big kine rocks an make um come small pieces.” Az wat Da One In Charge tell.

Jesus Guys 12:1

Bout da same time King Herod tell his guys throw some a da church peopo in jail an make um suffa.

John 21:2

Some a Jesus guys come togedda. Get Simon Peter, an Thomas da guy dey call Da Twin, Natanael da guy from Cana town Galilee side, an Zebedee two boys, plus two odda guys dat Jesus stay teach.

Mark 10:35

James an John, Zebedee boys, dey come by Jesus. Dey tell, “Teacha, us guys like you do someting fo us, aah?”

Mark 9:2

Afta six days, Jesus take Peter, James, an John wit him up on top one big mountain wea no mo nobody. Den, da same time dey stay look at him, Jesus start fo look diffren in front dem.

Isaiah 58:1

Da One In Charge tell: “Yell real loud! No hold back! Jalike one trumpet, make um loud! Tell my peopo, da one dat come from Jacob, How dey go agains me An do bad kine stuff!

Jesus Show 10:11

Den da angel guy tell me, “Eh, you gotta tell wat God tell one mo time bout plenny countries, peopos, languages, an kings.”

Matthew 4:21

He go from dea an he spock two odda braddahs, James an his braddah John. Zebedee, dea faddah. Dey inside da boat wit dea faddah, an dey stay fixing da nets. Jesus tell um fo come.

Mark 3:16

Dis da twelve guys he pick fo sen all ova da place: Simon, da guy Jesus call “Peter,”

Mark 3:18

Andrew, Philip, Bartolomew, Matthew, Thomas, Alfeus boy James, Taddeus, Simon da Jew Sovereignty guy,

Luke 9:54

Wen his guys James an John see dat, dey tell him, “Boss, you like us tell God fo sen down fire from da sky fo kill um?”