Mark 15:15 - Hawaii Pidgin Bible

¹⁵ Pilate like make da peopo stay good inside. Az why he let Barabbas go fo dem. He tell da army guys fo whip Jesus an den kill him on top one cross.

Mark 15:15 交叉參考

John 19:1

Den Govna Pilate tell his guys fo take Jesus an cut him up wit da whip.

Matthew 27:26

Den Pilate tell da army guys, “Let Barabbas go. Whip Jesus. Den kill um on top one cross.”

Isaiah 50:6

Get guys dat wen wack my back wit whips, An I let um wack me. Get guys dat wen pull out my beard, An I let um. I no hide from da guys dat like make me come shame An spit on my face.

Mark 10:34

Dey goin make fun a me, an spit on top me, an whip me, an kill me. But on day numba three, I goin come back alive.”

Smart Guys 29:25

Anybody stay sked an shaking Cuz a how dey tink odda peopo tink bout dem, Az jalike one trap dat catch da guy dat stay sked. But anybody stay trus Da One In Charge, Da One In Charge goin make shua notting hurt dem.

Songs 129:3

Fo shua, dey make us suffa plenny, Jalike one farma run ova us Wit one plow An make deep cut all ova oua back!

1 Peter 2:24

Christ, he da One dat wen carry all da bad kine stuff us guys wen do on top his body wen he mahke on top da cross. He wen do all dat so us guys no gotta mahke fo da bad kine stuff we wen do. Now, we ony stay live fo do da right kine stuff. Christ wen bleed an mahke fo us guys come good.

John 19:16

Den Pilate turn ova Jesus fo da army guys kill um on top one cross. So da army guys take charge a Jesus.

Songs 57:11

God, I like erybody know, Dat you mo big even den da sky! I like erybody on top da earth know How awesome you stay!

Galatia 1:19

Dat time I neva see odda guys God wen sen all ova, ony James, Jesus braddah.

Jesus Guys 25:9

Festus like do someting fo da Jew guys, so he tell Paul, “You like go Jerusalem an stan in front me ova dea fo tell bout all dis stuff?”

Jesus Guys 24:27

Two year layta, Porcius Festus take Felix place, but Felix like do someting fo da Jew guys, so he leave Paul inside prison.

Luke 18:33

But day numba three, I goin come back alive.”

Matthew 20:19

Dey goin turn me ova to da guys dass not Jew guys. Dey goin make any kine to me, whip me, an den kill me on top one cross. Den day numba three afta I mahke, God goin make me come back alive.”

Mark 15:14

But Pilate tell, “How come? Wat kine bad ting he wen do?” But dey yell mo loud, “Kill da buggah on top one cross!”

Luke 23:16

Az why I goin tell my army guys fo whip um an let um go.”