Mark 14:61 - Hawaii Pidgin Bible

⁶¹ But Jesus no talk. One mo time da Main Pries Guy tell him, “Eh you! Tell us if you da Christ Guy dat God suppose to sen. Da One Up Dea Dat We Tell Good Stuff Bout, you his Boy, o wat?”

Mark 14:61 交叉參考

Mark 15:2

Pilate tell Jesus, “Eh, you da King fo da Jews, o wat?” Jesus tell him, “You da one wen tell dat.”

Isaiah 53:7

Da guy dat work fo Da One In Charge, Da peopo give him hard time. Dey make him suffa, But he no tell notting. Dey take him out jalike one sheep Fo kill him. But jalike da sheeps Wen dey cut off all da wool, dey no make noise, He no tell notting too.

John 19:7

Da Jews tell Pilate, “Us guys get Rules from God, an da Rules tell dis guy gotta mahke, cuz he talk like he God Boy.”

1 Peter 2:23

Wen dey tell any kine to him, he neva ansa back. Wen he suffa, he neva tell he goin pay um back. But he let God da Judge take kea all dat cuz he know God do da right ting.

John 10:36

how come you guys tell dat I talk bad bout God, cuz I tell dat I God Boy? Da Faddah tell I spesho fo him, an he sen me hea inside da world.

John 1:34

“I wen see dat, an I tell you guys, dat guy, he God Boy!”

Matthew 16:16

Simon Peter tell, “You da Christ Guy, da Spesho Guy God Wen Sen. Da God dat stay alive fo real kine, you his Boy.”

Matthew 8:29

An dey yell, “Wat you like do to us, Jesus? You God Boy! You come hea fo make us suffa befo da time come, o wat?”

Matthew 3:17

An wow! Had one voice from da sky tell, “Dis my boy. I get love an aloha fo him fo real kine, an I stay good inside cuz a him!”

Songs 119:12

Eh! You Da One In Charge! I like tell dat you da One Wen do good tings fo me. Teach me how fo do Wat you tell me I gotta do.

Songs 39:9

I no can tell notting. I no goin open my mout, Cuz you da one stay punish me.

Songs 2:7

Dat king, he tell: “I goin tell wat Da One In Charge Wen tell gotta happen. He tell me dis: ‘You, you my boy. An today, I tell dat I yoa faddah.

1 Timoty 6:15

God goin bring back Jesus wen he stay ready. He God, da One dat stay good inside fo real kine. He da ony One dat run eryting. He da King ova all da odda kings, An Da One In Charge ova all da odda bosses.

1 Timoty 1:11

Da true teaching come from da Good Stuff From God dat God wen trus me fo tell. An God, he da God dat stay awesome an good inside.

Jesus Guys 8:32

Da place inside da Bible wea he read tell, “Dey take him away Jalike dey take one sheep away fo kill um. He jalike one bebe sheep Dat no make noise Wen dey stay cut off his wool. He neva tell notting.

John 19:9

He go back inside da army headquarters an aks Jesus, “Eh, you! Wea you come from?” But Jesus no tell notting.

John 18:37

Pilate tell him, “So, you one king den?” Jesus tell him, “You tell I one king. Az why I wen born, an az why I wen come hea inside da world—fo me tell eryting dat I know bout da true stuff. Erybody dat stick wit da trut, dey lissen me.”

John 10:24

Da Jew leada guys come aroun him an tell him, “Eh, how long you goin make us guys wait? Tell us fo real kine if you da Christ Guy, da Spesho Guy From God!”

Mark 14:60

Den da Main Pries Guy stan up in front dem, an tell Jesus, “Eh, you no hear wat dese guys tell bout you? You no goin tell notting, o wat?”