Mark 12:32 - Hawaii Pidgin Bible

³² Da teacha dat teach da Rules From God tell um, “Eh, Teacha, right on! Dass right wat you tell, ‘God, he one God, an no mo anodda God. Ony get him.’

Mark 12:32 交叉參考

Rules Secon Time 4:39

“Today you gotta know dis, an tink bout um plenny—dat Da One In Charge, da God inside da sky up dea, an he da God fo da earth down hea too! No mo anodda God!

Mark 12:29

Jesus tell him, “Da main Rule dis: ‘Lissen, all you Israel peopo! Da One In Charge, he oua God, an he da one an ony Boss.

Isaiah 46:9

No foget da stuff dat wen happen Long time befo time. Cuz me, I God. No mo anodda god stay jalike me.

Isaiah 45:18

Az cuz Da One In Charge get dis spesho message, Da One dat wen make da sky, Da One dass God fo real kine! He da One wen plan an make da world. He make um solid. He neva make um so no mo notting dea. He make um fo peopo live dea. Dis wat Da One In Charge tell: “Me, Da One In Charge. No mo anodda one like me!

Isaiah 45:14

Dis, anodda message from Da One In Charge: “Da stuff dey make inside Egypt an Sudan, An da tall Yemen peopo, Dey goin come ova yoa side, An goin come yoa guys. Dey goin walk behind you An come by you wit chains on top dea legs. Dey goin go down in front you. Dey goin beg you an tell, ‘Fo shua God stay wit you. No mo anodda one dass God.’

Isaiah 44:8

Eh my peopo! No shake an no come sked! I wen tell you guys bout dis long time befoa. I wen tell you guys how stay. You guys can tell wat you know bout me. You tink get anodda god jalike me?! No! No mo no anodda god dat stay strong an solid, Jalike one big rock. I know, no mo anodda god lidat!

Rules Secon Time 6:4

“Lissen, you Israel peopo! Da One In Charge, he oua God! Ony him, da God fo us!”

Rules Secon Time 4:35

“Da One In Charge wen show you guys all dese tings fo you guys know dat Da One In Charge, he da God fo real kine! No mo any odda God, ony him!

Rules Secon Time 5:7

“No go pray to odda gods fo you. Cuz me, I da ony God fo you.

Mark 12:33

Us guys gotta go all out fo show love an aloha fo him wit eryting inside us, wit how we tink, an wit all oua powa. An we gotta go all out fo show love an aloha fo odda guys jalike we get love an aloha fo us. Dass mo importan den make da burn up kine offering an da odda sacrifices.”