Mark 12:17 - Hawaii Pidgin Bible

¹⁷ An Jesus tell um, “Kay den. Give um to Cesar, wat his, an give to God, wat his!” Wen dey hear dat, dat blow dea mind.

Mark 12:17 交叉參考

Rome 13:7

So pay erybody wat you gotta pay. Pay da tax guys all da taxes you gotta pay. All da peopo you gotta respeck, inside you, respeck dem fo real kine. Make shua da peopo dass importan, you show um dey importan.

1 Peter 2:17

Get respeck fo erybody. Get love an aloha fo yoa braddahs an sistahs dat trus Christ. Get plenny respeck fo God. An get plenny respeck fo da king.

Rome 6:13

An no make notting inside you do stuff dat no stay right cuz dass bad. Mo betta you let God make you do wat he like you fo do. Cuz jalike you mahke awready an now you stay alive one mo time fo real kine. Use all yoa body fo do da kine stuff you suppose to do fo God.

Smart Guys 24:21

Eh my boy, stay sked a Da One In Charge An da king. But no hang out wit da kine govmen guys Dat ony like get mo an mo powa!

Rome 12:1

My braddahs an sistahs, so den, wat? God, he give you guys plenny chance. Az why I like tell you dis: Let God stay in charge a you, jalike you give God one sacrifice dat stay alive. You guys know wat God like fo you guys do? He like you guys go all out fo him. Wen you make lidat, az good you know, cuz dass how you show God love an respeck.

Matthew 22:46

An da Pharisee guys neva have notting fo tell. From dat time, erybody sked fo aks him odda kine questions.

Matthew 22:22

Wen dey hear dat, dat blow dea mind, an dey go way from dea.

Malakai 1:6

Da One In Charge tell, “Eh, you pries guys dat talk bad bout me! Da boys, dey suppose to get respeck fo dea faddah guys, aah? An da worka guys, dey suppose to get respeck fo dea boss guys. So den! I da faddah fo you guys, but you guys no mo respeck fo me. I da boss fo you guys, but you not sked fo no do wat I tell you fo do. Me, Da One In Charge, Da God Ova All Da Armies, an dass wat I stay tell you guys.” But you pries guys tell, “Tell us, how us guys talk bad bout you?!”

Mark 12:30

Go all out fo show love an aloha fo Da One In Charge, yoa God, wit eryting inside, wit how you feel, wit how you tink, an wit all yoa powa.’

Matthew 22:33

All da peopo hear him teach dat, an dat blow dea mind.

Smart Guys 23:26

Eh my boy, let me teach you how fo tink good! Wen you watch how I stay live, I like you stay real good inside bout wat you see.

Matthew 8:10

Jesus hear dat, an he tell da odda guys dat follow him, “Ho! Dis guy get um! An I like tell you guys dis: no mo no Israel peopo dat trus me lidat!

Matthew 22:21

Dey tell, “Dass King Cesar.” An he tell, “Kay den, give um to Cesar, wat his, an give to God, wat his!”

Mark 12:16

An dey show him. He tell, “Who dis guy on top da coin? An wass his name?” Dey tell, “Dass da King, Cesar.”

Luke 20:25

Dey tell, “Dass King Cesar.” Jesus tell, “Kay den, give um to Cesar wat his, an give to God wat his!”