Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.
Plenny peopo put dea coats down on top da road too, jalike fo one king. Odda guys cut branches from da palm trees in da fields, an put um down on top da road fo show respeck fo him.
