Malakai 3:4 - Hawaii Pidgin Bible

⁴ Wen da Judah ohana an da Jerusalem peopo Bring dea sacrifice fo Da One In Charge, Goin be jalike da ol days, long time befo time, Jalike how was wen da sacrifice was good kine.”

Malakai 3:4 交叉參考

Zekariah 8:3

Dis wat Da One In Charge tell: “I goin go back Mount Zion, an live inside Jerusalem town. Den dey goin call Jerusalem, ‘Da big town wea erybody tell da trut.’ An da mountain dat I own, me, Da One In Charge, Da God Ova All Da Armies, dey goin call um ‘Da Mountain Dat Stay Spesho Fo Da One In Charge.’ ”

Isaiah 56:7

Dey da peopo I goin bring Jerusalem side, To da mountain dat stay spesho fo me. I goin make dem feel real good inside Wen dey come inside my house fo pray. Wen dey make burn up kine sacrifice on top my altar, An odda kine sacrifices dey make dea, Dat goin make me feel real good. Cuz peopo goin call my house ‘Da house wea all diffren peopos go fo pray.’ ”

Songs 51:19

Den you goin feel good inside Cuz a da right kine sacrifices Da peopo dea goin make. Dey goin bring bulls by yoa altar Fo make burn up kine sacrifices Fo ony you.

2 Records 1:6

Solomon go up by da bronze altar in front Da One In Charge, by da Tent Wea Da Peopo Meet God, an make one tousan burn up kine sacrifice on top um.

1 Records 21:26

David build one altar fo Da One In Charge ova dea, an make burn up kine sacrifices an da kine sacrifices dat show dat him an Da One In Charge stay tight. He call to Da One In Charge, an Da One In Charge ansa him wit fire from da sky dat come down on top da altar fo da burn up kine sacrifice.

1 Records 15:26

An cuz God wen help da Levi guys dat carry da Box Fo No Foget Da Deal Wit Da One In Charge, dey make one sacrifice wit seven bulls an seven boy kine sheeps.

Songs 51:17

Eh God, dis da kine sacrifice you like: You like me feel all bus up inside Wen I do one bad kine ting. Wen I stay bus up an sore inside Cuz I wen do someting dass no good, You no goin tell I good fo notting.