Malakai 2:9 - Hawaii Pidgin Bible

⁹ An I goin make erybody tink you guys pilau, an make you guys come shame. Cuz wit you guys, no mo nobody do da tings da way I tell um fo do um! Wen you guys teach da peopo wat da Rules From God mean, you tell um diffren kine fo diffren peopo!” Dass wat Da One In Charge, Da God Ova All Da Armies, tell.

Malakai 2:9 交叉參考

1 Samuel 2:30

“ ‘Me, Da One In Charge, da God fo da Israel peopo. Az why I tell you dis: I wen make one promise dat yoa ohana, an yoa ancesta Aaron ohana, goin live in front me foeva. But cuz me Da One In Charge, I tell you dis too: No way goin be how stay now! Cuz da peopo dat show respeck fo me, I goin show respeck fo dem. But da peopo dat make to me jalike I notting, I goin put kahuna on top dem!

Rules Secon Time 1:17

No make to one guy mo betta den to anodda guy. Lissen, no matta if he one importan guy o one guy dass not importan. No sked dem, cuz God da one goin help you figga wass right, an you stay do um fo him. If you donno wat fo do, den tell me, Moses, an I goin lissen.

Galatia 2:6

But da guys dat look jalike dey da importan leadas, dat no bodda me, cuz God no mo favoratism bout how peopo look. No mo notting dem guys wen add fo make wat I teach mo betta.

Luke 11:42

“Wassamatta you Pharisee guys?! You goin get it! You guys give God ten percent a eryting, even da mint spice an da rue spice, an all da odda kine herbs. But same time, no bodda you guys if you no do da right tings, an you guys no mo love an aloha fo God. Mo betta, make shua you get love an aloha fo God, an do da right tings, an no foget da ten percent too.

Luke 10:29

But da guy like look good, so he tell, “Wat you mean, go all out fo show love an aloha fo erybody?”

Malakai 2:8

“But you guys wen go da wrong way! Da way you guys teach, you make plenny peopo go da wrong way too! You wen jam up da deal I get wit da Levi ohana!

Ezekiel 13:21

I goin take off yoa magic veils, an get my peopo outa you guys powa. You guys no goin get dem in yoa powa no mo fo hurt um. Den you guys goin know dat me Da One In Charge.

1 Kings 22:28

But Mikaiah tell da king, “Fo shua, if bumbye you come back an you okay, dat mean, Da One In Charge neva give me notting fo tell!” An Mikaiah tell da peopo, “Eh, all you peopo! No foget wat you wen hear!”

Malakai 2:3

Cuz a wat you guys do, I goin tell da ones dat come from you guys az wrong wat dey do. I goin take da doodoo from da guts a da animals dat you kill fo da spesho religious ceremonies an rub um all ova yoa face. Den da pries guys goin throw you guys out wit da opala from da sacrifices.

Smart Guys 10:7

Wen you rememba all da good peopo Dat you know from long time, Make you feel good inside. But da bad peopo, dey get pilau name So you no like even tink bout dem.

Ezekiel 7:26

Real bad kine stuff goin happen, one right afta da odda. Dey goin hear any kine stuff bout wat goin happen. Da guys dat tell dey talk fo God, peopo goin aks dem fo tell wat God wen show dem. Da pries guys no goin teach da rules no moa. Da older leada guys no goin tell da peopo no mo wass good fo dem.

Micah 3:11

Dea main guys take unda da table kine money Fo judge dat da guy dat pay um, he da one stay right. Dea pries guys teach da Rules from God, But ony if da peopo pay um too. Da guys dat tell dey talk fo God, Make da peopo pay fo tell dem wat goin happen. But same time dey talk bout how dey trus Da One In Charge, an tell: ‘Da One In Charge stay hea wit us guys. So no mo notting bad goin happen to us guys!’

Nahum 3:6

I goin throw opala all ova you, Fo show you no worth notting, An make you somebody fo erybody look at.

Job 32:21

I no stay ack jalike one guy mo betta den anodda guy. I no goin sweet talk nobody.

Smart Guys 12:8

Wen erybody know dat somebody can tink strait an akamai, Da peopo goin talk good kine bout um. But wen peopo head all hamajang, Da peopo no mo respeck fo dem.