Luke 9:19 - Hawaii Pidgin Bible

¹⁹ Da guys tell, “Some guys tell you John Da Baptiza Guy. Odda guys tell Elijah. An odda guys tell you one guy dat talk fo God long time befo time, an now you come back alive.”

Luke 9:19 交叉參考

John 1:21

Dey tell John, “Den who you? You Elijah?” He tell, “No, I not.” Dey tell, “Den you da Spesho Guy dat goin come an talk fo God?” He tell, “No, I not.”

Matthew 14:2

He tell his worka guys, “I figga, dis guy gotta be John Da Baptiza. He wen mahke, an now he come back alive. Dass why he get da powa fo do all dis awesome kine stuff.”

Malakai 4:5

“An one mo ting I goin do, I goin sen Elijah to you guys, Da guy dat wen talk fo me befo time. He goin show up befo I come back. An dat time goin be awesome an unreal!

John 9:17

So one mo time dey tell da guy dat no stay blind no moa, “Eh, wat you figga bout da guy dat make you see?” Da guy tell, “He one guy dat talk fo God.”

John 7:40

Plenny peopo wen hear wat Jesus tell. An dey tell, “Fo shua, dis da Spesho Guy dat goin come fo talk fo God!”

John 1:25

Dem guys tell him, “Kay den. If you not da Spesho Christ Guy Dat God Goin Sen, an you not Elijah, an you not da Spesho Guy dat goin come an talk fo God, den how come you stay baptize da peopo?”

Matthew 3:1

Afta Jesus grow up, John Da Baptiza Guy show up inside da boonies Judea side fo teach da peopo.

Mark 6:14

Dat time, King Herod wen steal his braddah Philip wife Herodias, an marry her. But John Da Baptiza Guy stay tell him, “You not suppose to steal yoa braddah wife.” Az why Herod bus John an throw him in da prison. Herodias stay piss off wit John, an like kill um, but she no can. Herod, he sked John, az why. He know dat John one guy dat erytime do da right ting, cuz he all out fo God. Dass why Herod no let nobody hurt John. Wen Herod lissen John, Herod come all mix up, but still yet he like lissen him. An den, Herod birfday time come. Herod throw one big luau. He tell all da high makamaka guys from his palace, da army officers, an all da leada guys from Galilee fo come. Herodias girl come inside da place an dance, an Herod an all da odda guys like da dance. So King Herod tell da girl, “Eh, wateva you like, I swea to God I goin give um to you. I even give you half a eryting I get cuz I da king!” She go out an tell her muddah, “Wat I goin tell?” An da muddah tell her, “Go tell um fo give you John Da Baptiza Guy head!” Da girl go back inside real fas by da king an tell him, “I like you give me John Da Baptiza Guy head on top one big plate right now!” Da king come real sorry. But cuz he wen swea to God in front all his frenz, he no like tell no. Az why right den an dea he tell da guard guy fo go an cut off John head an bring um. Da guy go an cut off John head inside da prison. He bring da head on top one big plate an give um to da girl. An she give um to her muddah. Den da guys John teach, dey hear bout dat, an dey come, an take his body an put um inside one tomb. Laytas, King Herod hear bout all da stuff Jesus stay do, cuz erybody hear bout him. Some peopo tell, “John Da Baptiza Guy come back alive. Dass why dis guy Jesus get powa inside him fo do all dis awesome kine stuff.” Some odda peopo tell, “Nah, he Elijah.” An odda peopo tell, “He anodda guy dat talk fo God, jalike da guys dat wen talk fo God long time befo time.” But wen King Herod hear dat, he tell, “Eh, I wen tell my guys fo go chop off John head. But now he stay come back alive!”

Luke 9:18

One time Jesus pray in one place wea no mo nobody, an ony his guys stay dea wit him. He tell um, “So! Who da peopo figga me?”

Luke 9:20

He aks dem, “Kay den, wat bout you guys? Who you guys figga me?” Peter tell, “You da Christ Guy, da Spesho Guy God Wen Sen.”