Luke 7:14 - Hawaii Pidgin Bible

¹⁴ Den Jesus go an touch da open box wit da guy inside, an da guys dat stay carry um stan dea. He tell, “Eh, brah, I tell you, sit up!”

Luke 7:14 交叉參考

John 5:25

An if you guys undastan dat, I like tell you guys dis too: I God Boy. Da time goin come, an awready stay hea now, wen da mahke guys goin hear wat I tell. An da peopo dat hear me, an lissen wat I tell, dey goin live fo real kine.

John 11:25

Jesus tell her, “I da Guy dat make peopo come back alive an stay live fo real kine. Whoeva trus me goin come alive, no matta dey mahke.

1 Kings 17:21

Den three time, Elijah go lay down on top da boy. He call out to Da One In Charge, “Eh! You Da One In Charge! You da God fo me fo shua! Bring back dis boy life to his body!”

Rome 4:17

God tell inside da Bible befo time, “I make you da faddah fo plenny diffren kine peopos.” Fo shua God goin make dat promise solid, an God, he da One dat Abraham wen trus. God da One dat make peopo come back alive afta dey mahke. An he da One dat can tell fo make someting dat neva was befo time.

John 5:21

My Faddah bring back da mahke guys an make um live. Same ting, me, cuz I his Boy, I can make anybody I like come back fo live one mo time.

Isaiah 26:19

Yoa mahke guys goin come alive one mo time! Da mahke bodies a my peopo goin come up! All you guys dat was inside da dirt, Wake up an yell cuz you feel good inside! Da mahke spirits goin come alive one mo time, All new, jalike da watta dat come on top da grass Wen da light come, morning time, An jalike da earth wen make um come up.

Songs 33:9

Cuz he wen talk, eryting start. He wen tell wat gotta happen, An eryting come lidat.

Job 14:14

If one guy mahke, he goin come alive one mo time, o wat?! If can, den all da time dat I gotta suffa, Az okay fo me fo wait, fo da time I no goin suffa no moa.

Job 14:12

Az how peopo lay down an no get up no moa. Dey no goin wake up till da end a da world. Dey goin ony stay sleep.

Efesus 5:12

Cuz da kine stuff dem guys do an nobody know, az shame fo even talk bout dat kine stuff.

1 Kings 17:22

Den Da One In Charge hear Elijah. Da life come back to da boy body, an he come alive.

Mark 5:41

He take da girl hand an tell her, “Talita kum,” Dat mean, “Eh! Litto girl, stan up!” Aramaic language.

Luke 7:13

Da Boss Jesus spock her, an he get pity fo her. He tell, “No cry now.”

Luke 7:15

Da mahke guy sit up, an start fo talk, an Jesus give him back to his muddah.

Luke 7:17

An dey tell all dis stuff bout Jesus all ova Judea an all da place aroun dea.