Eh you wahines from Jerusalem, I tell you guys fo make one promise, If you guys find da one dat love me, Wat you goin tell him? Tell him dat I love him so plenny Dat stay make me come weak!
He make da poses wit silva, An da bottom wit gold. Da back a da chair stay cova wit purple cloth all ova um. Inside get pichas Dat da wahines from Jerusalem wen make cuz dey love him.
Eh! You Jerusalem wahines! I like you guys make one strong promise to me, An tell da wild deers an da wahine deers, Fo dem lissen wat you promise! Promise you no goin come real excited fo make love Till da time stay right!
Eh! You Jerusalem wahines! I like you guys make one strong promise to me, Fo tell da wild deers an da wahine deers, Fo dem lissen wat you promise! I like you make one promise to me: No come real excited fo make love Till da time stay right!
Eh you young Jerusalem wahines! Dark, but pretty, How I stay look! I dark jalike da dark tents da Kedar peopo use, Jalike da kine cloth Solomon use fo cova his tent!
Cuz da time goin come wen you goin tell, ‘Lucky now, da wahines dat no mo kids, da wahines dat neva born kids, an da wahines dat neva breas feed kids!’
Try look! Look! Jesus stay come inside da clouds! Erybody goin see him, Even da guys dat wen stab him wit dea spear. All da diffren peopos all ova da world goin cry An feel bad inside cuz wat wen happen to him. Dass how goin be! Dass it!
