Luke 22:22 - Hawaii Pidgin Bible

²² I da Fo Real Kine Guy, an I goin mahke jalike God tell, but bummahs da guy dat goin set me up!”

Luke 22:22 交叉參考

Jesus Guys 2:23

God plan dis long time befo time, cuz he know dey goin give Jesus ova to you guys. An you guys wen take him an let da bad kine guys kill um on top one cross.

Luke 24:46

He tell um, “Dis wat dey wen write, ‘Da Christ Guy, da Spesho Guy God Goin Sen, he goin suffa an mahke, an den come back alive on day numba three afta he mahke.

2 Peter 2:3

Dey greedy guys, da teachas dat bulai. Dey goin tell you guys any kine make up stories fo dem make choke plenny money from you guys. But you know, God da Judge. He no sleep! From long time, he stay ready fo punish dem an wipe um out fo shua. But he still stay waiting fo do dat.

1 Peter 1:11

Christ Spirit inside dem wen tell um how Christ goin suffa. An da Spirit tell all da awesome tings dat goin happen afta he suffa. Az why da talka guys wen try find out wat time an how goin stay wen all dat goin happen.

John 17:12

All da time I wen stay wit dem inside da world, I use yoa powa fo take kea dem. I yoa guy, an I help dem stay tight wit you. Nobody come wipe out. Ony da one guy Judas, da guy dat like jam me up, he come wipe out, jalike da Bible tell long time befo time.

Mark 14:21

I da Fo Real Kine Guy. I goin mahke jalike da Bible wen tell befo time. But bummahs! Da guy dat goin set me up goin get it! Mo betta he neva wen born!”

Matthew 26:24

I da Fo Real Kine Guy. I goin mahke jalike da Bible wen tell befo time. But bummahs to da guy dat goin set me up. Mo betta he neva wen born!”

Zekariah 13:7

Dis wat Da One In Charge, da God Ova All Da Armies, tell: “Grab my sword! Go stab my sheep guy, Da guy dat work wit me! Wack da sheep guy, an da sheeps goin scatta. I even goin go agains da young sheeps.”

Start 3:15

From now on, you an da wahine, I goin make you guys stay agains each odda. Yoa kids an her kids, Dey goin stay agains each odda too. One a dem goin wack yoa head, An you goin bite him on da heel a his feet!”

Matthew 27:5

So Judas throw down da thirty silva coins right dea inside da Temple, an go out an hang himself.

Luke 22:23

An da guys go aks each odda, “Who da guy goin do dat?”

Jesus Guys 10:42

He tell us fo teach da peopo an fo tell dem dat we know he da One dat God Wen Send fo judge da peopo dat stay alive an da peopo dat stay mahke.

Jesus Guys 17:31

He set up one day wen he goin judge erybody inside da world. He goin sen one guy fo judge um da right way. He show dat dis stay true cuz he bring dat guy back alive from mahke.”