Luke 20:20 - Hawaii Pidgin Bible

²⁰ So dey look fo da right time fo do um. Dey sen some secret guys fo watch him. Dem guys wen ack jalike dey good guys. Dey like trick Jesus wit wat he tell, fo dem bus him an turn him ova to da leada guys an to da govna, da one dat get da powa.

Luke 20:20 交叉參考

Luke 11:54

Dey like trick him wit wat he tell dem fo dem bus him.

Matthew 27:2

Dey tie him up, take him away, an give him to Pilate, da Rome govna.

Jeremiah 11:19

Befo Da One In Charge tell me dat, I stay jalike one bebe sheep dat trus da peopo dat lead um out fo kill um, cuz I neva know dey make one plan agains me! Dey tell, “Eh, we goin kill dis Jeremiah buggah an wat he tell, jalike we goin wipe out one tree an eryting dat grow on top um! We goin wipe him out from da land wea peopo live. Den erybody goin foget him an his name!”

Songs 81:15

If my peopo lissen, Den da ones dat hate me, Da One In Charge, Goin fall down cuz dey sked a me, An I goin punish dem foeva. But my peopo no lissen, Az why all dat no happen!

2 Peter 2:3

Dey greedy guys, da teachas dat bulai. Dey goin tell you guys any kine make up stories fo dem make choke plenny money from you guys. But you know, God da Judge. He no sleep! From long time, he stay ready fo punish dem an wipe um out fo shua. But he still stay waiting fo do dat.

Luke 20:26

Dey no can trick him wit wat he tell in front da peopo. Wat he tell blow dea mind, an dey no can say notting.

Mark 3:2

Get some guys dea. Dey stay checking out Jesus real good, if he go make da guy come good on da Res Day, cuz dey like poin finga him.

Jeremiah 20:10

I hear plenny guys talk sof kine, Dey tell, “Dis Jeremiah, da ‘stay real sked’ guy— We go tell on him.” Even all my frenz stay wait fo me fo tell someting wrong. Dey tell, “Maybe us guys can trick Jeremiah! Den we can win, an get back at him!”

Jeremiah 18:18

Some peopo tell: “Eh come! We go make one plan fo kill Jeremiah. Dat way, we not goin throw out da rules da pries guys teach, o throw out wat da guys dat know wat fo do erytime tell us fo do, o throw out da tings da guys dat talk fo God tell. So we goin poin finga Jeremiah an tell wat he do wrong. We no goin lissen him notting!”

Songs 66:3

Tell God: “Skery, Da awesome tings you do! Cuz you get supa plenny powa, Even da peopo dat stay agains you Gotta tell dat you da greates, No matta dey no like talk lidat!

Songs 38:12

Same time, da guys dat stay agains me Put up one trap fo catch me. Dey make one plan fo wipe me out. All day, dey figga how fo bulai me Fo kill me.

2 Samuel 14:2

So Joab sen somebody Tekoa town fo bring one spesho wahine from dea dat know wat fo do erytime. Wen she come, he tell her, “Ack jalike you stay sad inside, aah?! Wear da kine clotheses fo wen you go one funeral, an no use perfume. Ack jalike one wahine dat stay sad inside an cry long time cuz somebody mahke.

Daniel 6:4

Cuz a dat, da odda supavisa guys an da govna guys try fo find someting fo poin finga Daniel. Dey look at how he run da govmen. But dey no can find notting fo poin finga him, cuz erybody trus him an he no jam up notting.

Luke 20:21

Az why da guys dat stay watch him tell him, “Eh, Teacha, we know dat you talk fo real kine an wat you tell an teach stay true. You do da same to erybody, an you teach God way fo real kine.