Luke 18:32 - Hawaii Pidgin Bible

³² Dey goin turn me ova to da guys dass not Jew guys. Dey goin make fun a me, an talk any kine to me, an spit on me, an whip me hard, an kill me.

Luke 18:32 交叉參考

Luke 23:11

Den Herod an his army guys ack jalike Jesus no good, an make fun a him. Dey put one fancy robe on top him, an sen him back to Pilate.

Isaiah 53:3

Peopo make to him jalike he notting. Dey no let him do notting wit dem. He one guy dat stay sad inside, An he know how feel fo suffa plenny. Peopo turn aroun an look da odda way Cuz dey no like see him. Dey make to him jalike he nobody, An nobody kea bout him.

Isaiah 50:6

Get guys dat wen wack my back wit whips, An I let um wack me. Get guys dat wen pull out my beard, An I let um. I no hide from da guys dat like make me come shame An spit on my face.

Jesus Guys 3:13

Da same God dat Abraham, Isaac, an Jacob wen pray to, he da same God dat all oua ancesta guys pray to. He da One make dis guy come good. He da One make Jesus, his helpa guy, come awesome to da max. You guys wen turn ova Jesus fo dem kill um. No matta Pilate like let him go, but den you guys wen tell in front Pilate dat Jesus not da one you guys pick.

Mark 14:65

Den some guys spit on top him, an dey cova his eyes wit one cloth, an punch him, an tell, “Talk some moa! If you one guy dat talk fo God, tell us guys who wen hit you!” Da police guys take him an wack him too.

Matthew 26:67

Den dey spit on top Jesus face, an punch him, an some guys slap his head.

Matthew 16:21

Jesus start fo show da guys he stay teach how he gotta go Jerusalem an suffa plenny ova dea. All da older leada guys, da Main Pries guys, an da teacha guys dat teach da Rules From God, dey da ones dat goin make Jesus suffa, an dey da ones dat goin kill him. But he goin come back alive afta three days.

Micah 5:1

Bring all yoa army guys togedda, You Jerusalem guys, dat get Babylon army guys All aroun yoa big town! Da peopo dat stay agains us, Dey goin wack da leada fo da Israel peopo On top da cheek wit one stick.

Isaiah 52:14

But goin be jalike befo time, Wen plenny peopo stay bum out Cuz dey see you guys, my peopo, Suffa plenny. Same ting, da way my worka guy goin look. He goin look jalike he all bus up, Mo den any odda guy. An his face, no goin look jalike anybody.

Jesus Guys 2:23

God plan dis long time befo time, cuz he know dey goin give Jesus ova to you guys. An you guys wen take him an let da bad kine guys kill um on top one cross.

John 18:35

Pilate tell, “Me? You tink I one Jew? Was yoa peopo an da Main Pries guys wen bring you to me. Wat you wen do?”

John 18:30

Dey tell him, “Dis buggah one crook. Us guys goin turn him ova to you.”

John 18:22

Afta dat, one police guy dat was standing dea slap Jesus head an tell, “Eh! You not suppose to talk lidat to da Main Pries Guy!”

Luke 23:35

Da peopo stan dea an watch um. Da leada guys fo da Jews make fun a him. Dey tell, “Eh, he wen take da odda guys outa da bad kine stuff dey stay in. If he da Spesho Guy God Wen Sen fo real kine, how come he no can get outa dis now?!”

Luke 23:1

Den all da peopo dat wen come togedda take Jesus away fo go in front Pilate, da govna.

Matthew 27:2

Dey tie him up, take him away, an give him to Pilate, da Rome govna.

John 18:28

Den da guys dat work fo da Main Pries Guy take Jesus away from Kaiafas place to da Rome army headquarters. Was early morning time. But dey neva go inside da Rome guys place, cuz if dey do dat, bumbye dey no can eat da spesho food fo da Passova ceremony, cuz dat make um jalike dey pilau.

Mark 15:1

Early morning time, all da Main Pries guys, da older leadas fo da peopo, da teachas dat teach da Rules From God, an all da main leadas, go figga out wat fo do bout Jesus. So dey tie him up, take him away, an give him to Pilate, da govna.

Matthew 20:19

Dey goin turn me ova to da guys dass not Jew guys. Dey goin make any kine to me, whip me, an den kill me on top one cross. Den day numba three afta I mahke, God goin make me come back alive.”

Matthew 22:6

Had odda guys dat grab da worka guys, an dey make any kine to da worka guys, an dey even kill da worka guys.

Luke 18:33

But day numba three, I goin come back alive.”

John 18:32

Wen dey tell dat, da ting Jesus tell befo time, happen. He tell his guys awready dat he goin mahke da Rome way on top one cross.