Luke 13:35 - Hawaii Pidgin Bible

³⁵ “Wassamatta you guys?! Eryting all poho fo you guys awready! I tell you guys, you no goin see me one mo time till bumbye wen you guys tell, ‘Dis da Guy dat come wit da right fo talk fo Da One In Charge, an we like God do good tings fo him!’ ”

Luke 13:35 交叉參考

Songs 118:26

Da pries guys tell: “Us guys like fo good tings happen To da one dat come hea Cuz Da One In Charge give um Da right fo come. Us pries guys dat stay hea Inside da Temple Fo Da One In Charge, Us like fo good tings happen To all you guys.

John 12:13

Dey cut branches from da palm trees fo wave cuz dey like cheer Jesus, an dey go fo meet him. Dey yell, “Hui! God goin take us Outa da bad kine stuff we stay in! Dis da King fo da Israel peopo! God goin do plenny good kine stuff Fo him. He da guy dat come wit powa From Da One In Charge!”

Matthew 21:9

An plenny guys stay walk in front an behind, an yell, “Hui! God goin take us outa da bad kine stuff we stay in! Dis guy from King David ohana, God goin do plenny good kine stuff fo him. He da guy dat come wit powa from Da One In Charge! Da awesome God goin take us Outa da bad kine stuff we stay in!”

Zekariah 12:10

“Me, Da One In Charge, goin make da David ohana an da Jerusalem peopo like do good kine stuff fo odda peopo, an dey goin pray to God fo help dem too. Dey goin look me, da guy dey wen stab. Dey goin stay real sore inside, jalike somebody stay sore cuz dea firs boy dat born wen mahke.

Luke 21:24

Peopo goin kill some wit swords, an take oddas away. Peopo all ova da world goin make um prisonas. Da peopos dass not Jew guys goin bus up Jerusalem an walk all ova um, till dea time pau.

Zekariah 14:2

Da One In Charge tell: “I goin bring all da odda peopos Jerusalem side fo fight you guys. Dey goin take ova da town, rip off stuff from da houses, an rape da wahines. Dey goin take half a da peopo, an make um prisonas fo go far away. But da res a da peopo goin stay inside da town.”

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”

Isaiah 52:7

Real nice! Wen we see da messenja guy feet Stay coming ova da mountains Fo tell us good kine stuff! He make shua erybody hear, “Eryting goin come good now! Good tings goin happen! Da One In Charge goin get us outa trouble.” He tell God peopo, Jerusalem town, “Yoa God, he da king now!”

Songs 69:25

I like da place dey make camp Come all bus up. I like dea house come So no mo nobody live dea.

Jeremiah 22:5

But if you guys make deaf ear all dis stuff dat I tell, den me, Da One In Charge, I promise I goin do dis fo shua—I goin make dis palace come all bus up.’ ”

Jeremiah 35:17

“Az why me, Da One In Charge, da God Ova All Da Armies an da God fo da Israel peopo, tell dis: ‘Lissen up! I goin make bad tings happen to da Judah peopo an all da peopo dat live inside Jerusalem. All da bad kine stuff I tell, goin happen to dem. Cuz I talk to dem, but dey no lissen. I call dem, but dey make jalike dey no hear me.’ ”

Matthew 23:37

“Sad! You Jerusalem peopo! You guys stay kill da guys dat talk fo God, an throw stones fo kill da guys God sen by you guys. Plenny times I wen like bring you guys by me, jalike one muddah chicken bring togedda her bebe chickens unda her wings, but you guys no like come.

Luke 19:41

Jesus come nea Jerusalem an look da town, an he cry.