Luke 1:17 - Hawaii Pidgin Bible

¹⁷ John goin come firs, wit da same kine spirit an powa dat Elijah wen get. He goin make da faddahs get love an aloha fo dea kids one mo time. An da peopo dat no lissen God, he goin make dem stay tink jalike da peopo dat do wass right. He goin make da peopo ready fo wen Da One In Charge come.”

Luke 1:17 交叉參考

Matthew 11:14

Dis guy John, he da guy dey tell goin come, jus like Elijah. You tink you guys can handle dat, o wat?

Luke 1:76

An you, my boy John, dey goin call you One guy dat talk fo da God Dass Mo Importan Den All Da Odda Gods, Cuz you goin go firs, befo Da One In Charge come, Fo make da roads ready fo him,

John 3:28

You guys, you hear me tell, ‘I not da Christ, da Spesho Guy God Goin Sen, but God wen sen me firs, befo him.’

Songs 78:8

God no like fo dem ack Jalike dea ancesta guys, Cuz da peopo from dat time, Dey get hard head, An neva like do wat God tell um fo do. Dose peopo, dey neva make shua Dey stay solid inside, Cuz da way dey stay inside, God no trus um.

1 Records 29:18

Da One In Charge, you da God fo oua ancesta guys—Abraham, Isaac, an Israel. I like you keep dese peopo tinking lidis foeva, so den inside dey like stay tight wit you.

Jesus Show 20:4

Den I spock plenny throne. On top get da peopo dat God wen give da powa fo come judges. Dey da one dat wen tell bout Jesus, an tell wat God wen tell, an odda peopo wen cut off dea heads cuz a dat. An I see how dey stay inside. Dey neva show love an respeck fo da Wild Animal o his statue, an dey neva get his mark on top dea forehead o dea hand. Dey come back alive one mo time, an dey stay in charge wit God Spesho Guy, da King, fo da tousan year.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.

Colosse 1:12

Den you guys can tell da Faddah “Mahalo plenny!” an feel real good inside. He wen make us his kids fo us get da good stuff he wen promise fo give all his kids: his kids, dass da peopo dat stay spesho fo God. He wen free us up from da powa da Bad Guy get ova us fo make us do bad kine stuff. Dass why now us no do bad kine stuff. An God wen take us outa da dark an put us inside da place wea Jesus stay oua King. Jesus, he God Boy an his Faddah get love an aloha fo him.

Songs 111:10

If you come sked wen you tink Bout who Da One In Charge, Cuz you get plenny respeck fo him, Den you ready fo start Fo learn wat fo do. Erybody dat stay do Wat Da One In Charge tell um fo do, Dey can undastan stuff fo real kine. Good, dat erybody tell all da time Dat Da One In Charge, he da greates!

2 Timoty 2:21

So, dass jalike if somebody go clean up da pilau kine stuff inside dem, dey goin come jalike da spesho kine bowls an plates—dey goin be spesho fo God. Da One In Charge can use um. Dey stay ready fo go do any good kine stuff fo him.

Isaiah 29:24

Da peopo dat stay all mix up inside, Dey goin undastan. Da peopo dat grumble, Dey goin learn how fo figga out stuff.”

Rome 9:23

He wen do dat cuz he like show dat he goin give chance to some peopo. Dey da ones dat he make one plan from befo time fo dem come awesome. He like make shua erybody know dat he stay awesome to da max.

Jesus Guys 10:33

So right den an dea, I send dem fo bring you by me. An you get one good heart fo come my house. Now we all stay hea in front God, an we like hear all da stuff God tell you fo tell us.”

John 1:34

“I wen see dat, an I tell you guys, dat guy, he God Boy!”

John 1:13

Da way dey born, az not jalike how one faddah like get kids. Dey come God kids cuz God give um his life inside.

Luke 1:16

He goin bring back plenny Israel peopo fo trus God, Da One In Charge.

Matthew 14:4

Az cuz John wen tell him plenny time, “Da Rules From God tell, ‘You no can marry yoa braddah wife.’ ”

Amos 4:12

Da One In Charge tell dis: “Cuz a dat, I goin make all kine bad kine tings happen to you Israel peopo, Jalike I wen tell you guys awready. Eh! You Israel peopo! Get ready fo stan in front me, yoa God! Cuz I da Judge, an I goin punish you guys!”

Songs 10:17

But wen da peopo dat suffa Like fo you help dem, You, Da One In Charge, lissen dem real good. You goin make dem come all solid inside. You goin hear wat dey tell An goin do um.

2 Records 29:36

Hezekiah an all da peopo come real good inside, cuz a wat God wen make his peopo come ready fo do, fo dem do all dat stuff real fas.

1 Kings 21:20

Elijah go dea, an Ahab tell, “You da guy dat stay agains me, an now, you find me!” Elijah tell, “Fo shua I find you, cuz you wen go sell out fo do real bad kine stuff dat Da One In Charge tell, no go do!

1 Kings 17:1

Get one guy Elijah from Tishbe town, Gilead side. He tell King Ahab, “I stay shua dat Da One In Charge, da God fo da Israel peopo, stay alive, an he da God I stay work fo. An I shua bout dis: From now, no goin get rain fo long time. No even goin get watta on top da groun morning time. Da ony rain goin get, goin come wen I tell um fo come!”

1 John 2:28

So now, my good frenz, stay tight wit Jesus. Den wen he come back, us no need come sked o shame in front him.

Matthew 3:4

An you know, John, his clothes come from da camel hair. He make one rope outa ledda fo one belt. He eat grasshoppa, an he get honey from da bees.

2 Kings 1:16

Wen Elijah see da king, he tell um, “Dis wat Da One In Charge tell: You tink no mo God inside Israel fo aks him wat fo do, so you sen guys Ekron side fo aks dea god Baal-Zebub wat fo do? Cuz you wen make lidat, you no goin get off da punee you stay lay on top. Fo shua you goin mahke!”

1 Kings 18:18

Elijah tell, “No ways! I neva make trouble fo da Israel peopo. You an yoa faddah guy ohana wen make trouble, cuz you guys no do da tings Da One In Charge tell you fo do, an you pray to da Baal kine gods.

1 Samuel 7:5

Nex, Samuel tell, “All you Israel peopo, come togedda Mizpah side, fo me pray to Da One In Charge fo help you guys.”

Matthew 3:3

Befo time, Isaiah, da guy dat talk fo God, talk bout John wen he tell dis: “He goin talk real loud inside da boonies, ‘Eh! Make da road ready fo Da One In Charge! Make da road strait fo him!’ ”