Joshua 23:14 - Hawaii Pidgin Bible

¹⁴ “Now litto bit moa, I goin go da way erybody in da world go. So, go all out fo know dis: All da good tings Da One In Charge wen promise fo give you guys, happen awready. You get um all, he neva even broke one promise!

Joshua 23:14 交叉參考

Luke 21:33

Da sky an da earth goin go way, but wat I tell no goin go way, eva.

1 Kings 2:2

“You know, erybody inside dis world gotta mahke. An me, I goin mahke pretty soon. So you gotta be strong an show you no sked notting.

Teacha 9:10

Wateva work you get, geev um wit all yoa powa! Cuz inside da Mahke Peopo Place wea you going, no can work, no can make plan, no can know stuff o know wat fo do erytime.

Census 23:19

God, he not one guy. No way he tell he goin do someting, An den he no do um. He not da kine god goin tell someting, An den tink az mo betta he neva tell dat. Him, he talk, an den he do um. He make one promise, An he do wat he tell he goin do.

1 Kings 8:56

“Az good us guys tell, Da One In Charge do good tings fo us. All us Israel guys, us his peopo, An us can res now, Jalike he wen make one promise befo time. Da One In Charge wen make dat good promise To his worka guy Moses, An Moses wen tell us we can res too. An eryting Da One In Charge tell he goin do, He do um. Not even one word come poho.

1 Samuel 3:19

Da One In Charge stay wit Samuel all da time he stay grow up. An Da One In Charge make shua dat eryting Samuel wen tell, happen.

Teacha 12:5

No foget da One dat wen make you, Wen peopo come sked a high places, An stay sked wat can happen on top da streets. An wen da almond tree get flowa, An da grasshoppa move slow, An no mo powa fo sex, Cuz dass da time peopo go da place wea dey goin stay foeva. An da peopo dat stay sad inside fo dem go aroun to dea funeral.

Outa Egypt 3:8

Az why now, I come hea fo get my peopo outa dea, fo da Egypt guys no make any kine no moa. I goin bring um outa dat land to one good land wea get plenny room fo erybody, an ery place get plenny milk an honey. I stay talk bout da place wea da Canaan peopo, da Het peopo, da Amor peopo, da Periz peopo, da Hiv peopo, an da Jebus peopo live now.

Hebrews 9:27

Garans erybody ony mahke one time, an afta dat, dey gotta go in front God da Judge.

Job 30:23

I know you goin make me mahke, An go da place wea erybody dat stay alive gotta go.

Ezekiel 20:28

I wen bring dem inside da land dat I wen make one strong promise fo give dem. But den, erytime dey see one high hill o one tree wit plenny leafs, dass wea dey make dea sacrifices dat make me come huhu. Dass wea dey put out dea stuffs dat smell nice an make you feel good. Dey pour out dea drink sacrifice dea too.’

Start 47:29

Wen da time come fo Israel mahke, he sen somebody fo tell his boy Joseph, “Come!” He tell Joseph, “Try do one ting fo me: Put yoa hand unda my thigh fo show you stay tight wit me, fo me trus you fo do wat I tell you fo do. Den make one promise to me dat fo shua you goin do one ting fo me: Try no bury me ova hea Egypt side.