Joshua 22:22 - Hawaii Pidgin Bible

²² “Da One In Charge, He da God wit all da powa! Da One In Charge, He da God wit all da powa! He know wat us guys do! An az good dat all da Israel peopo know too! “If us guys stay do dis ting agains Da One In Charge, an no lissen him, den no let us guys stay alive.

Joshua 22:22 交叉參考

1 Kings 8:39

Den I like you lissen from da sky wea you stay, An let um go from da bad tings dey wen do, An hemo dea shame, An help um! Ony you know how all dem stay inside, So help all dem, da way dey need help!

Rules Secon Time 10:17

Cuz oua God, dass Da One In Charge a us, he da real God mo den all da odda gods, an he da real Boss mo importan den all da odda bosses. He da big an strong God, an you betta be sked a him. He no make to one guy mo betta den da odda guy, an you no can pay him fo make him do spesho stuff fo peopo.

Songs 44:21

You tink God neva know dat, O wat?! Cuz he da One know eryting Dat us stay hide inside us. But dass not how was.

Job 10:7

You do dat, no matta you know dat I no mo da blame, But no mo nobody can get me outa yoa powa!

Jeremiah 17:10

“Me, Da One In Charge, I da One dat know wat erybody tink. I tes how dey feel inside an wat dey like, So dis wat dey goin get from me fo wat dey do: Good if dey do good kine, O bad if dey do bad kine.

Jesus Show 19:16

He get one sign on top his robe an on top his leg, dat tell, “Da King Ova All Da Kings, an Da One In Charge A All Da Bosses.”

Jesus Show 2:23

Fo shua, I goin kill erybody dat make jalike her. Den all da church peopo goin know dat I da One dat look inside da heart an da head an know wat erybody stay like, an wat dey tink, an I goin pay erybody fo wat dey do, good o bad.

Hebrews 4:13

Eryting God wen make, he can see um. No mo notting he wen make can hide fo him no see um. Cuz eryting stay open fo him know bout um. An God, he da One we gotta tell how come us do da tings we wen do.

1 Timoty 6:16

He da ony One dat no can mahke. He real good, az why no can come nea him, Jalike one real strong light you no can look at. No mo nobody eva see him, An no mo nobody can see him fo real kine. You know, he da God erybody gotta get plenny respeck fo. He get all da powa foeva! Az it!

2 Corint 11:31

Jesus, he Da One In Charge, an God, he Jesus Faddah. God, he know I no bulai. Erytime us guys tell erybody dat God stay good foeva.

2 Corint 11:11

How come I tell dis? You guys tink I no mo love an aloha fo you guys, o wat? God know I get plenny love an aloha fo you guys.

2 Corint 5:11

Us get choke respeck fo God. Dass why we try fo help da peopo get da same kine respeck fo him. God know how we stay inside. I like you guys know how we stay inside too.

Jesus Guys 25:11

If I wen do someting wrong fo me gotta mahke, az okay fo me mahke. But if da stuff dey tell agains me no stay true, nobody get da right fo turn me ova to dem. Sen me in front King Cesar den!”

Jesus Guys 1:24

Den dey go aks God fo help dem, an tell, “You Da One In Charge, an you know how erybody stay inside. Show us da guy you pick from da two guys,

John 21:17

An den one mo time, Jesus go aks um, “Eh Simon, John boy. You my fren, o wat?” Den Peter come all hurt inside, cuz now three time awready Jesus go aks him. He tell, “You my fren, o wat?” So Peter tell um, “You Da One In Charge! You know eryting! You know I yoa fren.” Jesus tell um “Dass right! An I tell you dis too: Feed my sheeps. Befo time, wen you was one young guy, you put on yoa clotheses an yoa belt an go wea eva you like. Bumbye, you goin come one ol guy. Den you goin stick out yoa hands an anodda guy goin tie you up an bring you one place you no like go.”

Malakai 3:18

Den you guys goin see jalike befo time, da peopo dat stay do wass right, dey stay diffren den da peopo dat stay do wass wrong, an da peopo dat work fo God stay diffren den da peopo dat no work fo God.”

Micah 7:9

I gotta hang in dea now, Cuz Da One In Charge stay huhu an goin punish me, Cuz I wen do bad kine stuff agains him. But afta dat, he goin talk fo me in front da judge, An make right all da bad kine stuff Dat da guys dat stay agains me wen do. Jalike he goin bring me out wea get light, An I goin see dat he stay do wass right.

Daniel 11:36

“Da Syria king goin do watevas he like do. He goin ack jalike he mo big den all da gods. He goin talk mo bad den da peopo eva hear befo, agains da God Dass Mo Importan Den All Da Odda Gods. An eryting goin go good fo him till da time wen God punish him. Cuz wat God tell gotta happen goin happen fo shua.

Daniel 2:47

Da king tell Daniel, “Fo shua yoa God stay da God ova all da odda gods, an da Boss ova us king guys. He da One dat show wat tings mean dat stay secret cuz you wen tell wat dis dream mean.”

Jeremiah 12:3

But you Da One In Charge, an you know me. You see wat I stay do, An you tes how I tink bout you. Drag dose guys away jalike dey sheeps ready fo da meat market! Pick dem fo kill, wen da time come fo kill dem!

Songs 136:2

From all da odda gods, God, he da importan one. So tell good tings Bout Da One In Charge, Cuz he stay tight wit his peopo foeva!

Songs 97:7

All da ones dat get Idol kine gods fo dea boss, Goin come shame! All da ones dat stay talk big Bout dea idol kine statues, Same ting! Eh, all you gods! Put yoa face on top da groun Fo show respeck fo da God dass fo real!

Songs 95:3

Cuz Da One In Charge, Him da God dass fo real! Him da awesome King dat get da powa Ova all da odda gods.

Songs 82:1

God, he sit on top his throne An all da odda “gods” Come togedda by him Cuz he da One dat judge all dem. He tell:

Songs 37:6

He goin shine da light On eryting you stay do dass right Fo make shua erybody know dis. An God goin show you do da right ting In front him, da judge. An dass jalike wen can see eryting Real good wen da sun stay strong.

Job 23:10

But still yet, he know wat way I pick. Wen he tes me, I goin come jalike pure gold.

1 Samuel 15:23

Cuz anybody dat go agains Da One In Charge, az bad, Jalike if dey aks da fortune tella guys wat goin happen, An anybody dat no do how dea boss tell um fo do, az wrong awready, Jalike if dey go down in front da idol kine gods. You! Cuz you tell ‘Laytas’ to wat Da One In Charge tell you fo do, Az why he tell ‘Laytas’ to you! You no goin stay king no moa!”

Outa Egypt 18:11

Now I know fo shua, dat Da One In Charge, mo importan den all da odda gods, no matta da Egypt peopo make any kine to you guys!”

Joshua 22:21

Den da Reuben ohana, da Gad ohana, an half da Manasseh ohana tell da leadas fo da Israel peopo,

Songs 40:9

Wen choke plenny peopo Come togedda, I tell um Dat you erytime do da right ting. Eh! Da One In Charge, You know awready Dat weneva I talk bout dat, I no hold back notting.

Songs 50:1

Da God Wit All Da Powa, Da One In Charge, he tell dis. He tell da peopo From all ova da world Fo come by him, From da place wea da sun come up, To da place wea da sun go down.

1 Samuel 2:3

“Eh you guys! Shut yoa mout! No talk like you get big head awready! Cut da pilau attitude, aah?! Cuz Da One In Charge, he da God dat know eryting. An he da One dat figga out awready If da work somebody do, stay good o no good!

Job 31:22

Den I like my arm fall down from my shoulda, An mo betta broke off from da elbow!

Songs 44:22

Cuz us guys, yoa peopo, All da time odda guys stay kill us. Dey make us jalike we sheeps Dat dey kill fo sell da meat.