Joshua 21:2 - Hawaii Pidgin Bible

² Da Levi leada guys come by da Israel leada guys Shiloh side in da Canaan land. Dey tell um, “Da One In Charge tell Moses dat you guys suppose to give us Levi guys towns wea us can live, an grass fields fo oua animals.”

Joshua 21:2 交叉參考

Joshua 18:1

All da Israel peopo come togedda at Shiloh town. Dey put up da big tent wea da peopo meet Da One In Charge ova dea. Dey wen take charge a da land awready.

Galatia 6:6

But whoeva teach wat God tell, da guy he teach suppose to kokua his teacha from da good stuffs da guy get.

Matthew 10:10

No even take one bag fo da trip, o extra clotheses, o slippas, o one stick fo walk; cuz da peopo suppose to give da worka guy wat he need.

Prieses 25:32

“But inside da towns dat da Levi ohana get, da guys dat come from dat ohana get da right fo buy back any house dey sell.

Joshua 14:5

So da Israel peopo split up da land jalike Da One In Charge wen tell Moses fo do.

Joshua 21:3

So jalike Da One In Charge wen tell um fo do, da Israel peopo give da Levi ohana towns an grass fields from dea property.