Joshua 15:8 - Hawaii Pidgin Bible

⁸ Den from da edge a da Judah land go up da Ben Hinnom Valley, da south side a da hill dat get Jerusalem on top side, da main town fo da Jebus peopo. Den go da top a da hill dat make da west side a da Hinnom Valley, by da north end a da Refaim Valley.

Joshua 15:8 交叉參考

Joshua 18:16

Benjamin land go down by da bottom a da hill in front da Ben Hinnom Valley, den go north side a da Refaim Valley. Den go down da Hinnom Valley by da hill dat get Jebus town on top. Den go En-Rogel.

Joshua 15:63

Da Judah ohana no can push out da Jebus peopo dat live inside Jerusalem, an dey still yet stay dea today wit da Judah peopo.

Local Leadas 19:10

But da guy no like stay anodda nite, so he go way to Jebus (az Jerusalem), wit da two donkeys, da two saddles, an his odda wife.

Joshua 18:28

Zela, Haelef, Jebus (da big town dey call Jerusalem), Gibeah, an Kiriat. Dass fourteen towns an dea small towns. Az da land dat da Benjamin ohana get fo dea property.

2 Kings 23:10

Josiah make da place dey call Tofet, dat stay inside da Ben Hinnom Valley, so nobody can use um fo kill dea boy o girl dea, fo make one sacrifice wit fire fo da idol god Molek.

Local Leadas 1:21

But da Benjamin ohana no can win ova da Jebus peopo dat stay live inside Jerusalem. Still yet today da Jebus peopo live ova dea wit da Benjamin ohana.

Jeremiah 19:14

Den Jeremiah come back from Tofet Valley to Jerusalem side, wea Da One In Charge wen sen Jeremiah fo talk fo him. He stan inside da open lanai aroun da Temple Fo Da One In Charge. An he tell all da peopo dis:

Jeremiah 19:6

So you guys betta wise up! Me, Da One In Charge, an dis wat I tell: Da time goin come wen peopo no goin call dis place Tofet no moa, o da Ben Hinnom Valley, but da Valley Wea Dey Kill Peopo.

Jeremiah 19:2

Go da Ben Hinnom landfill nea da town gate wea peopo throw da broke kine clay pots. Wen you get dea, tell um da tings I tell you now.

Isaiah 17:5

Goin be jalike Refaim Valley Right afta da guys harves da wheat ova dea. Dey harves da wheat, An take away plenny inside dea arm. Den da Israel ohana goin be Jalike wen some odda guy come layta, Cut wateva da firs guys neva take wit dem, An dey pick up ony litto bit.

2 Records 28:3

He make sacrifices inside da Ben Hinnom Valley, an put his boys thru da fire fo make one sacrifice. Az was jalike da pilau kine stuff da odda nations do, da peopos Da One In Charge wen push outa da land in front da Israel peopo.

2 Samuel 5:22

One mo time da Filisha guys come nea Jerusalem an put dea guys all ova inside da Refaim Valley.

2 Samuel 5:18

Da Filisha guys come up da Refaim Valley. Dey put dea army guys all ova da valley.

Local Leadas 1:8

Da Judah guys go attack Jerusalem too, an take ova. Dey kill da peopo ova dea wit swords, an burn down da town.

1 Records 11:4

David an all da Israel guys march to Jerusalem, dat befo time dey call Jebus. Get da Jebus peopo dat live dat land befo time.

Nehemiah 11:30

Zanoah, Adullam, da small towns dea, Lakish an da fields aroun da town, Azekah an da small towns dea. Dey make house from Beer-Sheba to da Hinnom Valley.