Jonah 1:7 - Hawaii Pidgin Bible

⁷ Da saila guys, dey tell each odda, “Eh, good fo us guys fo find out who da guy dat wen make one god mad, fo dis bad ting come to us guys. We go pull straw fo find out who him, aah?” Dey pull straw, an Jonah, he da one lose.

Jonah 1:7 交叉參考

Smart Guys 16:33

Wen you pull straw Fo find out wat fo do, Az Da One In Charge make um come out Da way dey come out.

Joshua 7:10

Da One In Charge tell Joshua, “Stan up! Wat you stay doing down dea wit yoa face inside da dirt?!

Census 32:23

“But if you guys no do dat, den you guys goin do one bad ting agains Da One In Charge, an fo shua, da bad ting you do, goin catch you bumbye!

Jesus Guys 13:19

He wipe out seven peopos Canaan side, an give dea land to his peopo jalike one faddah wen promise fo give land to his boy.

Matthew 27:35

Dey nail him on top da cross, an den dey throw dice fo see wat army guy goin get wat clotheses from Jesus.

Songs 22:18

Dey wen split up my clotheses An throw da dice fo see who get wat clotheses.

1 Corint 4:5

So, no make jalike you guys da judge fo odda peopo. Wait till Da One In Charge come back. He da One goin bring out in da light all da bad kine stuff da peopo try hide in da dark. He goin show all da tings dat dey tink inside dem. Den God goin talk good bout da good tings erybody do.

Job 10:2

I goin tell God: ‘I like fo you no jus tell, I wen do wrong! Tell me, how come you still poin finga me?!

Esther 3:7

In April, da numba twelve year wen Xerxes stay king, dey pull straw in front Haman fo pick da month an da day wen dey goin kill da Jews. An dey pick March 7, almos one year layta.