John 9:7 - Hawaii Pidgin Bible

⁷ Den Jesus tell um, “Go, wash yoa face inside da Siloam watta place.” (Siloam mean, “Dey Sen Watta Dea.”) Az why da guy go ova dea an wash his face, an wen he go home, he can see!

John 9:7 交叉參考

Isaiah 35:5

Dat time, da peopo dat no can see, Dey goin see. Da peopo dat no can hear, Dey goin hear.

John 11:37

But some a dem tell, “Eh! Dis guy wen make da blind guys see. How come he no can make Lazarus come good fo him no mahke, aah?”

John 9:11

He tell um, “Da guy Jesus wen make mud, an put um on top my eyes, an tell me, ‘Go wash yoa face da Siloam watta place.’ Az why I go an wash my face, an den I can see!”

Jesus Guys 26:18

fo open dea eyes an fo turn um away from da dark kine stuff to da light; fo turn um away from da powa Satan get an turn um to God. Den I goin let um go, an hemo dea shame fo all da bad kine stuff dey do. Den dey can come togedda wit all da peopo dat trus me an come good an spesho fo me.’

Isaiah 8:6

“Dis Judah peopo tink Dat wat I stay do fo dem, az no good. No matta I do good tings fo dem, Jalike I give um da watta Dat run slow inside da Siloam watta place. But dey ony feel good cuz dey hear Bout wat goin happen To Rezin da king fo Aram, An to Remaliah boy da king fo Israel.

Songs 146:8

Da One In Charge, he da One Dat make da peopo Dat no can see, see, An help da peopo Dat gotta carry too much, fo stan up, An get love an aloha fo da peopo Dat stay do wass right.

Luke 13:4

Da eighteen guys dat wen mahke wen da towa Siloam side fall down on top um—you tink dey wen do mo worse stuff den all da odda peopo inside Jerusalem?

Isaiah 42:7

Wen I tell ‘light,’ dis wat I mean: Jalike you goin open da eyes Fo peopo dat no can see, Jalike you goin take out da peopo Inside one prison unda da groun, Da ones dat stay inside one dark place.

Nehemiah 3:15

Da Fountain Gate, Shallun Kol-Hozeh boy, dat stay in charge a da Mizpah Districk, fix um. Him an his guys fix um one mo time an put roof on top. Den dey put up da big doors, da big kine bolt fo lock da doors, an da strong bars fo nobody broke down da door. Dey build da part a da wall dat go by da Siloam Watta Place wea da watta tunnel come out, to da King Park, an from dea to da stone steps dat go down from King David Town.

Outa Egypt 4:11

Da One In Charge tell Moses, “Try tink! Who wen make peopo fo dem talk, o no can talk? Who wen make peopo fo dem see good, o no see good? Was me, Da One In Charge, wen do all dat!

Galatia 4:4

But wen da right time come, God sen his Boy. One wahine born him, an he gotta do wat da Rules tell um fo do.

Rome 8:3

Maybe us guys try do wat da Rules from God tell us fo do. Sad! Us no stay strong enuff inside fo do dat cuz dass how us guys stay. Den God, he sen his Boy dat get one body jalike one regula guy dat can do bad kine stuff, but his Boy no do bad kine stuff notting! God sen um fo face da bad kine stuff peopo do. How Jesus ack, he neva do bad kine stuff. He show proof dat da tings da peopo stay do was bad fo shua. An he come one sacrifice fo hemo da shame fo da bad kine stuff peopo stay do.

John 10:36

how come you guys tell dat I talk bad bout God, cuz I tell dat I God Boy? Da Faddah tell I spesho fo him, an he sen me hea inside da world.

John 9:39

Jesus tell um, “I wen come inside dis world fo show who do da bad kine stuff. Bumbye da guys dat no can see, goin see, an da guys dat see goin come blind.”

Luke 2:32

He jalike one light Fo make yoa peopo come awesome, Da Israel peopo, An fo show all da odda peopos Inside da world Wat stay right.”

Isaiah 43:8

“Bring out da peopo dat get eye But dey no can see, An da peopo dat get ear But dey no can hear.

Isaiah 32:3

Dat time, da peopo dat can see, Dea eyes no goin stay shut. An da peopo dat can hear, Dey goin lissen good.

Matthew 11:5

Had guys dat no can see, now dey can see. Had guys dat no can walk, now dey can walk. Had lepa guys, now dey no mo sick. Had guys dat no can hear, now dey can hear. Had guys dat wen mahke, now dey stay walk aroun. Da peopo dat no mo notting, now dey hear all da Good Kine Stuff From God dat I stay teach um.