John 6:9 - Hawaii Pidgin Bible

⁹ “You know, get one boy hea dat get five small barley kine bread an two small fish. But how dat can feed plenny peopo? No can!”

John 6:9 交叉參考

Luke 9:13

Jesus tell, “You guys, go give um someting fo eat.” Dey tell, “We ony get five bread an two fish. You like us go buy food fo all dis peopo, o wat?”

Mark 6:38

Jesus tell dem, “Go see how much bread you get.” Dey go, an come back, an tell, “Get five bread an two fish.”

Matthew 14:17

Dey tell, “We no mo notting. Ony get five small breads an two fish.”

Songs 78:19

Dey grumble bout God. Dey tell, “Dis God, he can make One big luau fo us guys, Hea inside da boonies, o wat?!

Matthew 16:9

You guys no undastan, still yet? Wen I wen broke up da five breads fo da five tousan guys, how much baskets you guys wen pick up afta? Try tink bout dat.

Mark 8:19

Wen I wen broke up da five breads fo da five tousan guys, how much big baskets lefovas you wen pick up afta?” Dey tell, “Twelve.”

2 Corint 8:9

You guys know dat Da One In Charge a us guys, Jesus Christ, wen do plenny good tings fo you guys. Befo time he was rich, but he wen come pooa fo help you guys fo come rich.

Songs 147:14

He make shua dat da peopo Dat stay agains you No come inside yoa land. He give you da bestes kine wheat fo eat, Fo you eat all you like.

Songs 81:16

If you lissen, I can give you Da bestes kine wheat fo eat An give you plenny honey From da big rock, Fo fill you up. But you no lissen!”

Rules Secon Time 8:8

Az one land wit wheat an barley, grape plants, an fig trees, pomagrams, olive oil, an honey.

Jesus Show 6:6

Den I hear someting dat soun jalike one voice dat stay come from da four tings dat stay alive an go ery place God go. Da voice tell, “No goin get enuff food! Two poun wheat flour cost one day pay, an six poun barley flour cost one day pay. But no jam up da oil from da olive trees o da wine from da grape vines!”

John 11:32

Den Mary come wea Jesus stay, an see him. She go down in front his feets an tell, “Boss, if you was hea, my braddah neva mahke.”

John 11:21

Marta tell Jesus, “You Da One In Charge! If you was hea, fo shua my braddah no wen mahke!

John 6:7

Philip tell um, “Gotta work mo den two hundred days fo get enuff money fo buy bread fo give all dese peopo even litto bit.”

Ezekiel 27:17

Da Judah peopo an da North Side Israel peopo trade stuffs wit you Tyre peopo. Dey trade da wheat from Minnit, an da sweet stuff, honey, olive oil, an lotion you get from da tree sap fo yoa stuffs.

Songs 78:41

Ova an ova, dey wen tes God Fo find out wat he goin do. Dey wen make him come sore inside, Da One dass good an spesho Fo da Israel peopo.

2 Kings 7:1

Elisha tell, “You guys, lissen up, wat Da One In Charge tell. Dis da message from Da One In Charge: ‘Bout dis time tomorra, seven quart a da bestes kine wheat flour goin cost ony half ounce silva by da Samaria town gate. An fourteen quart a barley goin cost ony half ounce silva too.’ ”

1 Kings 4:28

Dey bring barley, an wheat stalk too, fo da horses dat pull da war wagons, an da odda horses. Ery govna guy bring da food he suppose to bring.

Rules Secon Time 32:14

He give um sof cheese from dea cows An milk from dea sheeps an goats, An da bestes kine meats from da bebe sheeps an goats, An meat from da big kine sheeps Dat stay Bashan side, an goats, An wheat dat get big seed. He let um drink da juice From da grapes, da red wine.

John 6:11

Den Jesus take da breads, an tell God, “Mahalo plenny.” He give um to his guys, an dey give um to da peopo dat stay sit dea. Same ting wit da fish. An erybody eat plenny how dey like.

John 21:9

Wen da guys jump outa da boat, dey spock one charcoal fire on top da beach. Get one fish on top da charcoal an get bread.

John 21:10

Jesus tell um, “Eh, bring some a da fish you guys wen catch ova hea.”

John 21:13

Den Jesus go ova dea, an take da bread an give um to his guys. Same ting wit da fish.