John 4:20 - Hawaii Pidgin Bible

²⁰ Us Samaria peopo, oua ancesta guys go down an pray to God on top dis mountain ova hea. But you Jew guys, you guys tell dat erybody gotta go Jerusalem fo go down an pray to God.”

John 4:20 交叉參考

Rules Secon Time 27:12

“Afta you guys go da odda side a da Jordan Riva, dese ohana peopo goin stan on top Mount Gerazim fo tell da good kine tings God goin do fo da peopo: da Simeon ohana, Levi ohana, Judah ohana, Issakar ohana, Joseph ohana, an Benjamin ohana.

Rules Secon Time 11:29

Oua God, Da One In Charge, goin bring you guys inside da land wea you goin take um ova. Wen you guys come dea, you guys goin put peopo on top Mount Gerazim fo tell erybody da good kine stuff Da One In Charge goin do if dey lissen. Same time, you goin put peopo on top Mount Ebal fo tell erybody how Da One In Charge goin punish dem if dey no lissen.”

2 Records 7:12

Den one nite Da One In Charge let Solomon see him. Da One In Charge tell: “I hear wat you wen pray. I wen pick dis place fo me, fo be da Temple wea da peopo goin make sacrifice.

Luke 9:53

But da peopo ova dea, dey no like fo him stay dea, cuz he goin go Jerusalem, an dey no like Jerusalem peopo.

Songs 132:13

Cuz Da One In Charge wen pick Mount Zion inside Jerusalem town Fo be da place he like stay.

Songs 78:68

Da ohana dat God wen pick, Az was da Judah ohana. He wen pick Zion hill Inside Jerusalem town, Cuz he get love an aloha Fo dose peopo ova dea.

2 Records 7:16

I wen pick dis Temple an make um spesho fo me! Az fo erybody know wat kine god me wen dey come dea, foeva. I goin watch wat happen dea, an tink plenny bout wat goin happen dea, foeva.

2 Records 6:6

But now, I wen pick Jerusalem fo show wat kine god me, an I wen pick David fo stay in charge a my Israel peopo.’ ”

1 Records 22:1

Den David tell, “Da Temple Fo Da God Da One In Charge goin stay dis place wea Ornan da Jebus guy clean da wheat, An da altar fo da burn up kine sacrifices fo da Israel peopo goin stay hea too.”

1 Records 21:26

David build one altar fo Da One In Charge ova dea, an make burn up kine sacrifices an da kine sacrifices dat show dat him an Da One In Charge stay tight. He call to Da One In Charge, an Da One In Charge ansa him wit fire from da sky dat come down on top da altar fo da burn up kine sacrifice.

1 Kings 9:3

Da One In Charge tell Solomon, “I wen hear wat you pray. I wen lissen wen you come in front me an beg me fo help you. Da Temple you wen build, I make um spesho fo me awready. I give da place my name foeva, cuz az da place wea can find out wat kine god me. An I goin watch dat place real good, an tink plenny bout um all da time.

Isaiah 66:1

Dis wat Da One In Charge tell: “Da sky, jalike one throne wea I sit down. Da earth, jalike one stool wea I put my feets on top. Wea da house you guys goin build fo me? Wea I goin res?

John 4:12

You mo betta den oua ancesta guy Jacob, o wat? He da one wen give us dis puka. Him, his kids, an his cows even drink watta from dis puka.”