John 3:29 - Hawaii Pidgin Bible

²⁹ “Da groom, he da guy dat get da bride. Da bes man, he stay standing dea, an he stay real good inside wen he hear da groom stay talking. I jalike da bes man, an Jesus, jalike da groom. Dass why I stay real good inside.

John 3:29 交叉參考

Hosea 2:19

I goin make you my wife foeva. I goin do eryting da right way, jalike da judge tell. I goin stay tight wit you, an show love an pity fo you.

Matthew 9:15

Jesus tell um, “Wat you tink? You go one wedding an make sad face an cry wen da guy dat stay get married stay dea? No way! Bumbye, da time goin come wen dey goin take away da guy dat stay get married, an den, dat time, his frenz goin skip food.

Ezekiel 16:8

“ ‘Da nex time I go by dea, I wen look you, an I see dat you stay ol enuff fo make love. I spread da corna a my blanket ova you fo cova you cuz you stay naked. Dass how I show I goin take kea you fo come my wife. I make one strong promise to you an make one spesho deal wit you fo you come mines. Az wat me, Da One In Charge, da Boss, tell.

Isaiah 54:5

Az cuz fo my peopo, You jalike da wahine dat get husban now— Cuz jalike I yoa husban, Da One wen make you! Me, Da One In Charge, Da God Ova All Da Armies, Dass my name! I da One dat pay da price Fo get you outa trouble, I Da Good An Spesho God Fo da Israel peopo! Da God Fo Da Whole World, Dass wat dey call me!

Jesus Show 21:9

Den, from da seven angel messenja guys dat get seven bowl full a da stuff dat goin make peopo suffa at da end a da world, one a da angel guys come by me. He tell, “Go come ova hea. I goin show you da ones dat goin stay tight wit God Bebe Sheep Guy foeva! Close, jalike wen one bride stay tight wit her husban!”

Philippi 2:2

Dass how stay, aah? So! You know how you guys can make me feel real good inside? All you guys, try tink bout tings da same way. Try get da same kine love an aloha fo each odda, an da same kine good heart an head jalike Christ.

John 16:24

Befo now, you guys neva go aks my Faddah fo do notting cuz you my guys. Go aks now, an you guys goin get um, fo you guys stay good inside to da max.

1 John 1:4

An us write dis stuff to you guys, fo us guys stay good inside to da max.

2 Corint 11:2

Jalike God stay jealous fo you guys, I stay jealous fo you guys too. I wen make one promise to Christ fo him come jalike yoa one husban. Az jalike fo him marry you. You come jalike one bride dat neva sleep yet wit nobody.

Luke 15:6

an go home. Den you tell all yoa frenz an da peopo nex door, ‘Go come, we go throw party! Cuz I wen find my lost sheep.’

Love Song 5:1

Eh sistah! I stay come inside my garden, My bride, da one I love. I bring my myrrh, an my balsam spice too. I eat my honeycomb, an my honey too. I drink my wine, an my milk too. Eh ma frenz! Eat an drink! You guys dat love each odda, drink plenny, Till you come full.

Matthew 25:1

“Dat time, wen God in da sky stay King, goin be jalike dis: Had one wedding. Da bride get ten girl frenz. Dey take dea olive oil lamps an go dea fren house fo wait fo da groom.

Jeremiah 2:2

“Go tell dis Fo all da peopo inside Jerusalem hear you. Da One In Charge tell, ‘I no foget how you guys was, young time. You guys was real tight wit me, Jalike one bride dat get plenny love an aloha fo da guy she marry. You guys wen stay tight wit me all da way thru da boonies, Even da places wea no can plant seeds notting.

Isaiah 66:11

Cuz bumbye, you guys goin be Jalike one bebe dat stay breas feed, An no worry bout notting no moa, Cuz get plenny fo drink, An feel good bout eryting.”

Love Song 3:11

Come out, all you Jerusalem wahines! Come look King Solomon wit da crown on top his head! Az da crown his muddah wen put on top his head, Da day he marry his wife, An he stay real good inside.

2 John 1:12

I get plenny stuff fo tell you guys, but I no like jus write um down yet. Mo betta I like come see you guys, an we talk togedda. Den we all goin stay good inside to da max.

John 17:13

“Now I goin come by you. I tell dese tings hea inside da world fo my peopo stay good inside to da max, jalike me.

Matthew 22:2

He tell um lidis: “Wen God in da sky stay King, dass jalike one king dat make one luau cuz his boy goin get married.

John 3:30

He gotta come mo importan den me, cuz I not dat importan.”

John 15:11

“I wen tell you guys all dis stuff awready fo you guys stay good inside, jalike I stay good inside. Den you guys goin stay good inside to da max.