John 3:19 - Hawaii Pidgin Bible

¹⁹ “God wen sen da light inside da world. Da light show erybody how dey stay inside. But da peopo like stick wit da dark an dey hate da light, cuz dey stay do bad kine stuff. Dass why God goin punish da peopo.

John 3:19 交叉參考

John 8:12

Jesus talk to da peopo one mo time. He tell, “I jalike da light fo da peopo inside da world. Whoeva come by me an be my guy, dey no goin go aroun inside da dark. Dey goin get da light dat make dem live fo real kine.”

2 Tessalonika 2:12

Az why all da peopo dat neva trus da true stuff, but feel good inside wen dey do stuff dass wrong, God da Judge goin punish dem.

Rome 2:8

But da odda peopos, God had it wit wat dey do. He had it wit dem awready, cuz dey like make big kine trouble. Dey no like do da true stuff, but dey erytime like do wass wrong.

John 12:43

Cuz da leada guys, dey like da peopo talk good bout dem, mo den dey like God talk good bout um.

Rome 1:32

God wen tell um wass pono fo dem do, an dey wen hear all dat awready. Dey know dis too: if get anybody dat no ack jalike how God tell um fo ack, fo shua dey goin mahke. But dese guys do all dat kine stuff anyway, an dey tink az good wen da odda guys ack lidat too.

John 5:44

You guys like talk good bout each odda, but you guys no do notting fo make da ony God dass fo real talk good bout you guys. Den how you guys goin trus wat I tell? No ways!

2 Peter 3:3

Da firs ting, you gotta undastan dis: befo da world pau, goin get guys dat ony goin make any kine how dey like. An dey goin make fun a da Good Kine Stuff from God.

John 1:4

He da Guy, if you like come alive fo real kine, you gotta come by him. Dass da kine life come from him. Wen peopo come alive lidat, jalike dey stay inside one place dat get plenny light. Den dey can see an undastan stuff.

Luke 12:47

“Da worka guy dat know wat his boss like, an no get ready fo do um, an no do wat da boss like him fo do, his boss goin punish him real hard.

1 Peter 2:8

An da Bible tell dis too, “Dis da stone dat wen make da peopo fall down.” Dey fall down cuz dey no do wat God tell um fo do. Dass wat God tell goin happen to dem.

John 7:7

Da peopo inside da world, dey no goin hate you guys. But dey hate me, cuz I tell um dat da kine stuff dey stay do, az real bad kine stuff!

John 7:17

If anybody like do wat God like um fo do, dey goin know if da stuff I stay teach come from God, o if ony come from my head.

Luke 16:14

But da Pharisee guys, dey love money. Wen dey hear all da stuff Jesus wen tell, dey make fun a him.

Smart Guys 2:13

Cuz dose peopo, dey wen go da right way but dey go back, So den dey go da dark roads wea bad tings happen.

Jeremiah 9:6

Wea you live, erybody bulai erybody. An cuz dey bulai, No way dey goin tell dat I dea God.” Az da message from Da One In Charge.

John 1:5

No matta stay dark, da dark no can pio da light. Erytime get light.

John 9:5

I stay inside da world now, an I jalike da light fo da peopo all ova da world.”

John 12:31

Now da peopo inside dis world goin stan in front God da Judge, an God goin throw out da Bad Guy dat stay in charge a da peopo all ova da world.

John 12:46

I wen come inside da world fo da peopo know da trut, jalike me da light fo dem. An whoeva trus me, dey goin know da trut. Dey no goin stay jalike dey dark inside an donno notting.

Prieses 11:16

all da kine owl dat live inside da boonies, all diffren kine hawk,

Prieses 13:10

Da pries guy goin check um out. If get one white place on top da skin dat stay swell up, an if da place dat stay swell up stay raw,

Zekariah 14:19

Dass how Da One In Charge goin punish da Egypt peopo an da odda peopo dat no make Da Spesho Religious Ceremony Fo Live In Shacks.