John 21:16 - Hawaii Pidgin Bible

¹⁶ Den Jesus go aks um one mo time, “Eh Simon, John boy. You get love an aloha fo me, o wat?” Peter tell um, “Eh, fo shua, Boss! You know I yoa fren.” Jesus tell um, “Kay den. Take kea my sheeps.”

John 21:16 交叉參考

Jesus Guys 20:28

Make shua you leada guys live da way God like you fo live. An take kea all da peopo dat da Good An Spesho Spirit give you guys fo take kea. You guys gotta take kea da church guys jalike one sheep guy take kea his sheeps. Cuz Da One In Charge, Jesus, wen bleed an mahke fo make dem come God kids.

1 Peter 5:2

You guys jalike sheep guys dat take kea dea sheeps. So take kea da peopo God wen give you guys. Do wat stay good fo dem, not cuz you gotta do um, but cuz you like do um. Do um da way God like. No do um fo money, cuz dat make you come shame, but go all out fo help God peopo.

1 Peter 2:25

You guys was jalike da sheeps dat stay lost, but now you guys come back to God. He make shua he take kea a you guys good kine, jalike da sheep guy take kea his sheeps. An he da main leada guy fo make shua you guys no come pilau inside.

Songs 100:3

Fo shua you gotta know dis: Da One In Charge, he God! He da One wen make us guys, An us guys his peopo! Jalike us da sheeps Dat he lead to da grass.

Songs 95:7

Cuz him, he oua God. Us guys, us da peopo he take kea of, Jalike us guys da sheeps, An him da sheep guy. Dis wat I like fo you guys do today, Lissen wat God tell you guys!

Hebrews 13:20

God, he da One dat make um so notting bodda us guys. An he da One dat wen bring back from mahke Da One In Charge a us guys, Jesus. Jesus wen bleed an mahke fo us guys, an dass how God wen make one New Deal fo us dat stay foeva. Jesus, he jalike da main sheep guy dat take kea his sheeps.

John 18:25

Simon Peter still yet stay stan by da fire fo stay warm. Da odda guys dat stan dea tell him, “Eh! You one a da guys he wen teach, aah?” Peter tell, “No way! I not!”

John 18:17

Den da girl dat watch da gate tell Peter, “You one a da guys dat buggah wen teach, aah?” Peter tell, “No way! I not!”

Luke 19:10

Cuz me, da Fo Real Kine Guy, I wen come hea fo look fo da guys dat stay cut off from God, fo take um outa da bad kine stuff dey stay do.”

Matthew 26:72

Den Peter tell, “Not! I swea to God, I donno who him!”

Matthew 25:32

All da diffren kine peopos from all ova da world goin come togedda in front me. Den I goin put some a dem on one side an some on da odda side. Goin be jalike one sheep guy put da sheeps one side an da goats da odda side.

Matthew 2:6

“ ‘Eh! You Betlehem guys, ova dea Judah side! All da leadas inside Judah Tink Betlehem importan. Cuz from dea goin come one leada. He goin take kea God peopo, Da Israel peopo.’ ”

Zekariah 13:7

Dis wat Da One In Charge, da God Ova All Da Armies, tell: “Grab my sword! Go stab my sheep guy, Da guy dat work wit me! Wack da sheep guy, an da sheeps goin scatta. I even goin go agains da young sheeps.”

Jesus Show 7:17

Cuz da Bebe Sheep Guy Dat sit in da middo a da throne, He goin take kea dem Jalike one sheep farma dat take kea his sheeps. He goin bring dem by da puka Fo da watta dat make peopo get life fo real kine. An God goin wipe away all dea tears from dea eyes.”

John 21:17

An den one mo time, Jesus go aks um, “Eh Simon, John boy. You my fren, o wat?” Den Peter come all hurt inside, cuz now three time awready Jesus go aks him. He tell, “You my fren, o wat?” So Peter tell um, “You Da One In Charge! You know eryting! You know I yoa fren.” Jesus tell um “Dass right! An I tell you dis too: Feed my sheeps. Befo time, wen you was one young guy, you put on yoa clotheses an yoa belt an go wea eva you like. Bumbye, you goin come one ol guy. Den you goin stick out yoa hands an anodda guy goin tie you up an bring you one place you no like go.”