John 20:16 - Hawaii Pidgin Bible

¹⁶ Jesus tell, “Eh, Mary!” She turn aroun an tell, “Rabboni!” Dass how da Jew guys tell, “Teacha!”

John 20:16 交叉參考

John 10:3

Da guy dat watch da gate, he open um fo da sheep guy. Da sheeps hear da sheep guy voice wen he call dem by dea name, an den he bring dem outside.

John 1:38

Jesus turn aroun an see dem stay going wit him. He tell, “Eh, wat you guys looking fo?” Dey tell, “Rabbi, wea you stay staying at now?” (“Rabbi,” dat mean “Teacha” dea language.)

Jesus Guys 10:3

One time, three clock in da aftanoon, he see someting jalike he stay dreaming. He see one angel messenja guy from God dat come by him an tell, “Eh, Cornelius!”

Jesus Guys 9:4

He fall down on top da groun an hear one voice tell him, “Eh Saul! Saul! How come you make me suffa?”

John 6:25

Dey find Jesus da odda side a da lake, an dey tell, “Eh, Teacha! Wen you wen come ova hea?”

Isaiah 43:1

But now, dis da message from Da One In Charge Da One wen make you Jacob peopo, Dat make da Israel ohana how dey stay: “No sked! cuz I wen pay da price Fo all you guys So you no gotta be one slave. I call you by yoa name, An you mines.

Start 22:11

Right den an dea one angel messenja guy from Da One In Charge yell to him from da air, “Hui! Abraham!” Abraham tell um, “Yeah! I stay hea.”

John 20:28

Thomas tell Jesus, “You, you Da One In Charge a me! You my God!”

John 13:13

You guys call me ‘Teacha’ an ‘Da One In Charge.’ Dass good, cuz dass who me.

John 11:28

Afta Marta tell dat, she go back by her sistah Mary. Dey talk wea nobody can hear wat dey tell. She tell, “Da Teacha come, an he like see you.”

John 5:2

Inside Jerusalem get one big watta place nea da Gate Fo Da Sheeps. Get five lanai dea. Da peopo call um “Betzata” in da local language.

John 3:2

One nite he go by Jesus an tell um, “Teacha, us guys know dat you one teacha dat come from God, cuz nobody can show us da kine awesome stuff you stay do, if God no stay wit him.”

John 1:49

Den Natanael tell him, “Teacha, you God Boy fo real kine! You da King fo da Israel peopo!”

Luke 10:41

Jesus, Da One In Charge, tell Marta, “Marta! You stay bum out, bodda you bout plenny stuff!

Matthew 14:27

Right den an dea Jesus tell um, “Eh, no sked. Dis ony me! Come strong!”

Love Song 5:2

I stay sleep, but inside, jalike az one dream dat I stay awake. Lissen up! Da one dat love me stay knocking! He tell, “Eh sistah! Honey Girl, open da door fo me! You jalike my dove. You perfeck! My head stay wet from da dew. My hair stay wet from da nite air.”

Love Song 3:4

Right afta I go way from dem, I find da one dat I go all out fo love. I hold him an no let him go away, Till I take him inside my muddah house, Inside da room a da one dat wen come hapai wit me.

1 Samuel 3:10

Da One In Charge come inside his spesho place, an call jalike befo, “Samuel! Samuel!” Den Samuel tell, “Try talk, cuz you my boss, an I stay lissen.”

1 Samuel 3:6

One mo time Da One In Charge call, “Eh! Samuel!” Samuel get up an go by Eli an tell, “You wen call me? I stay hea!” Eli tell, “I neva call you. Go back sleep!”

Outa Egypt 33:17

Da One In Charge tell Moses, “Dis ting you tell me fo do, I goin do um, cuz I like you, an I know wat kine guy you, an I know yoa name.”

Outa Egypt 3:4

Da One In Charge see dat Moses go way from da trail fo go look. God call Moses from inside da bush, “Hui! Moses! Moses!” Moses tell, “Yeah! Dass me!”

Start 45:12

Try look me real good, you my braddah guys! All you guys, my braddah Benjamin too, can see dat dis me Joseph fo real kine dat stay talk to you guys.

Start 22:1

Long time afta, God tes Abraham. He tell um, “Eh Abraham!” Abraham tell, “Yeah, I stay hea.”

Mark 10:51

Jesus tell, “Wat you like me do fo you?” Da blind guy tell, “Teacha! I like see!”