John 19:7 - Hawaii Pidgin Bible

⁷ Da Jews tell Pilate, “Us guys get Rules from God, an da Rules tell dis guy gotta mahke, cuz he talk like he God Boy.”

John 19:7 交叉參考

Prieses 24:16

Whoeva talk bad bout my name, Da One In Charge, gotta mahke. All da peopo goin throw stone at dem fo kill dem. No matta dey one guy from anodda place dat live wit you guys, o one Israel guy, if dey talk bad bout my name, you guys gotta kill um.

John 5:18

Dass why da Jew leada guys try mo hard fo find Jesus an kill um, cuz he broke da Rules bout da Res Day. An even mo worse, he tell dat God his Faddah. Dat mean he make jalike he God.

Rome 1:4

But how his spirit stay, an da way he stay good an spesho fo God, dass wat show dat he God Boy. We know dat cuz God use plenny powa fo make um come back alive afta he wen mahke. You know, I stay talk bout Jesus Christ. He da Spesho Guy God Wen Sen. He stay Da One In Charge a all us guys.

Mark 15:39

Da captain fo da army guys stay standing in front Jesus hear him yell an see how he mahke. He tell, “Az fo real kine, dis was God Boy!”

Rules Secon Time 18:20

But any odda guy dat tell he stay talk fo me, but tell dem stuff dat I neva tell him fo tell, o any guy dat talk fo odda gods, you guys gotta kill dem.”

Isaiah 53:4

Still yet, wen us guys suffa plenny, Da guy dat work fo Da One In Charge, He take away all dat. Wen us guys stay sad inside, He carry all dat fo us. But us guys, we ony tink him Az da guy dat God wen wack an bus up, An make um feel jalike he no good.

John 19:8

Wen Govna Pilate hear wat dey tell, he come mo sked.

Jesus Guys 18:13

Da Jews tell da govna, “Dis guy, he stay make da peopo go down an pray to God da way dat stay agains oua Rules.”