John 19:1 - Hawaii Pidgin Bible

¹ Den Govna Pilate tell his guys fo take Jesus an cut him up wit da whip.

John 19:1 交叉參考

Isaiah 53:5

But da guy dat work fo Da One In Charge, Him, da one peopo poke wit one spear Cuz us guys go agains God. Him, da one dey smash Cuz us guys do wrong. Him, da one dey punish An dat make eryting come good fo us. Him, da one dey whip An cuz a dat, he make us come good!

Matthew 20:19

Dey goin turn me ova to da guys dass not Jew guys. Dey goin make any kine to me, whip me, an den kill me on top one cross. Den day numba three afta I mahke, God goin make me come back alive.”

Isaiah 50:6

Get guys dat wen wack my back wit whips, An I let um wack me. Get guys dat wen pull out my beard, An I let um. I no hide from da guys dat like make me come shame An spit on my face.

Luke 23:16

Az why I goin tell my army guys fo whip um an let um go.”

Luke 18:33

But day numba three, I goin come back alive.”

Luke 23:23

But dey stay yell da top a dea lungs, fo presha Pilate an make um kill Jesus on top one cross, an dey win.

Matthew 23:34

“Az why fo shua I goin sen guys by you guys dat goin talk fo God, an smart guys, an guys dat goin teach da Rules From God. But you goin kill some a dem guys, an some guys you guys goin kill on top crosses, an mo odda guys you guys goin whip hard inside da Jew churches, an you guys goin make um suffa from one town to anodda town.

Songs 129:3

Fo shua, dey make us suffa plenny, Jalike one farma run ova us Wit one plow An make deep cut all ova oua back!

1 Peter 2:24

Christ, he da One dat wen carry all da bad kine stuff us guys wen do on top his body wen he mahke on top da cross. He wen do all dat so us guys no gotta mahke fo da bad kine stuff we wen do. Now, we ony stay live fo do da right kine stuff. Christ wen bleed an mahke fo us guys come good.

Hebrews 11:36

An had odda peopo too. Peopo laugh at um an whip um hard. An mo worse, dey tie up odda guys wit chains an throw um inside one prison.

2 Corint 11:24

Eh, five time da Jew guys wen whip me thirty-nine time.