John 18:4 - Hawaii Pidgin Bible

⁴ Jesus know all da stuff dat goin happen to him, so he go by dem an aks dem, “Who you guys stay looking fo?”

John 18:4 交叉參考

John 13:1

Was jus befo da Passova time. Jesus know dat was time fo him fo go outa dis world, an go by his Faddah. He erytime get love an aloha fo his peopo dat stay inside da world, an he get love an aloha fo dem to da max.

John 18:7

He aks um one mo time, “Who you guys stay looking fo?” Dey tell, “Jesus, da guy from Nazaret.”

Jesus Guys 2:28

You wen teach me how fo live Fo real kine. You goin make me stay real good inside, Cuz you stay wit me.’

Songs 27:3

No matta one whole army put up dea tents fo go agains me, I not goin come sked. No matta dey make war fo bus me up, Fo shua, I no goin worry.

John 19:28

Afta dat, Jesus know dat he awready do eryting he suppose to do. Den fo make happen eryting da Bible tell befo time, he tell, “I thirsty!”

John 13:11

(Cuz Jesus know awready who goin set him up. Dass why he tell, “All you guys not clean.”)

John 6:64

But get some a you guys dat no trus me.” Jesus tell dat cuz he know from da start who no trus him, an who goin set up him.

Luke 24:44

He tell um, “All dis happen jalike I wen tell you guys wen I stay wit you. Eryting Moses wen write inside da Rules, an eryting da odda guys dat wen talk fo God wen write down, an eryting dat get inside da Songs Fo God—all da stuff dat stay from befo time inside da Bible, all dat, talk bout me! An eryting dey wen write, goin happen!”

Matthew 26:31

Ova dea, Jesus tell um, “All you guys goin come bum out cuz you no can handle da shame fo wat goin happen to me tonite. Cuz befo time God tell inside da Bible, ‘I goin kill da sheep guy, an all his sheeps goin scatta all ova da place.’

Matthew 26:21

Wen dey stay eating, he tell, “I tell you guys fo shua, one a you guys goin set me up.”

Matthew 26:2

“You guys know awready—get ony two days till da Passova time. I da Fo Real Kine Guy, but wen da Passova time come, da leada guys goin set me up fo kill me on top one cross.”

Matthew 16:21

Jesus start fo show da guys he stay teach how he gotta go Jerusalem an suffa plenny ova dea. All da older leada guys, da Main Pries guys, an da teacha guys dat teach da Rules From God, dey da ones dat goin make Jesus suffa, an dey da ones dat goin kill him. But he goin come back alive afta three days.

Smart Guys 28:1

Da bad guys, dey run away Jalike somebody stay chase um, No matta no mo nobody chase um. But da peopo dat stay do wass right, Dey stay shua dey stay okay, Jalike one lion dat no sked notting.

Songs 3:6

No matta get ten tousan army guys Dat come agains me from all ova, I no sked.

Nehemiah 6:11

But I tell um, “You tink I dat kine guy dat goin run away?! No way! You tink I dat kine guy, dat go inside da Temple jus fo stay alive?! Not even! I no goin go ova dea wit you!”

1 Kings 18:10

I shua dat yoa God, Da One In Charge, stay alive, an I shua bout dis too: my boss Ahab wen sen peopo to ery country an ery king fo look fo you! An wen dey tell, ‘Elijah no stay hea,’ den Ahab make da king promise fo tell da trut dat dey no can find you.

1 Peter 4:1

Cuz Christ get one body jalike us, he wen suffa plenny in his body. An you guys, get ready fo suffa too jalike Christ. Whoeva suffa lidat, dey no goin do bad kine stuff no moa.

John 18:5

Dey tell him, “Jesus, da guy from Nazaret.” He tell um, “I da guy.” Judas, da guy dat set him up fo mahke, stay right dea wit dem.