John 14:9 - Hawaii Pidgin Bible

⁹ Jesus tell him, “I stay wit you guys long time, an you still yet donno who me, Philip? Whoeva see me, dey see my Faddah. So how come you tell, ‘Show us yoa Faddah’?

John 14:9 交叉參考

Start 26:9

Abimelek tell Isaac fo come by him. He tell, “Da wahine, she yoa wife, aah? How come you wen tell she yoa sistah?!” Isaac tell um, “Cuz I sked somebody goin kill me an take her away, az why!”

Songs 11:1

I stay trus Da One In Charge fo no let me get hurt. So, wassamatta you guys stay tell, “Run away from yoa house to da mountains, Jalike you one bird dat fly!

Jeremiah 2:23

“How come you guys tell, ‘Us guys not pilau! We no go pray to da Baal kine gods!’? Try tink how you guys wen ack inside da valley Wea peopo make sacrifice to da odda gods. Try tink wat you guys do ova dea. You guys jalike one wahine camel dat hard up fo find one boy kine camel. You guys run hea an dea.

Mark 9:19

Jesus tell, “You guys! Nowdays nobody trus God! How long moa, I gotta be wit you guys an take how you guys ack? Bring da boy ova hea!”

Luke 12:56

You guys tell one ting an do anodda! You can figga wat goin happen from da earth an da sky. How come you no can figga da tings dat stay happen now?”

John 1:14

Dat “God, He Talk” Guy, he come one guy dat get one body jalike us guys get. He stay wit us short time, an us see how awesome he stay. He awesome, cuz he da One an ony Boy dat come from da Faddah. He like do plenny good stuff fo us cuz dass how he stay. Eryting he tell bout God stay fo real.

John 10:30

Me an my Faddah, we stay one.”

John 12:45

Whoeva see me, he see da One dat sen me hea too.

John 14:20

Wen I come back alive, you guys goin know fo shua dat I stay tight wit my Faddah, an you guys stay tight wit me, an I stay tight wit you guys.

John 14:7

You guys know me, so dass mean you guys goin know my Faddah. An from now, you guys know him, an see him.”

John 8:19

Dey tell, “Yeah? Yoa faddah, wea he stay?” Jesus tell, “You guys donno me o my Faddah. If you guys wen know me, den you guys wen know my Faddah too. But you donno me o him.”

1 Corint 15:12

Kay den. Wen us guys teach bout Christ, da Spesho Guy God Wen Sen, we tell erybody he wen come back alive afta he wen mahke, aah? So how come, get some a you guys dat tell, “No, da mahke guys, dey no goin come back alive, you know.” Wot!

Philippi 2:6

Jesus, he erytime stay jalike God. But no matta, He neva tink he gotta go hang on to dat.

Colosse 1:15

Jesus stay jalike one picha Fo show how God stay, No matta we no can see God. Jesus da Numba One Guy In charge a eryting God wen make.

Hebrews 1:3

God Boy, he show how awesome God stay, Jalike wen da sun stay shine in one mirror. He stay same same jalike his Faddah, Same same jalike one picha Fo show how da Faddah stay fo real kine. Da tings God Boy tell, get choke powa Fo make eryting hang togedda. Afta he pau throw out da bad kine stuff da peopo do Fo dem come clean inside, He go sit down up ova dea in da sky, On da right side nex to God Da Awesome King. Dass da spesho place fo show how importan he stay.

1 John 5:20

We know dat God Boy wen come an help us guys fo undastan. Az how we know da real God. Us guys stay tight wit da One dass da real God—wit God Boy Jesus, da Spesho Guy God Wen Sen. Dass da real God, an dass da real kine life dat goin stay to da max foeva!