John 13:5 - Hawaii Pidgin Bible

⁵ Den he pour watta inside one small wash tub, an start fo wash his guys feets, firs one guy, den da odda. An den he dry um wit da towel he get aroun his wais.

John 13:5 交叉參考

Luke 7:44

Den Jesus turn aroun to da wahine, an tell Simon, “You see dis wahine? I wen come inside yoa house, an you neva give me watta fo wash my feet. But she wash um wit her tears an wipe um wit her hair.

Songs 51:2

Make me come all clean inside, Cuz wat I wen do, no was right. Make me come all clean inside Fo me pray one mo time.

Start 19:2

an he tell um, “Eh! I like you guys stay my house tonite. Cuz jalike you guys my bosses an I yoa slave guy, aah? Ova dea you guys can wash yoa feets an go sleep. Den early tomorra, you guys can wake up an hele on.” Dey tell um, “Nah, dass okay, us jus goin sleep ova dea wea da streets come togedda inside da gate.”

1 Timoty 5:10

An make shua erybody tell she wen do good kine tings, an take kea her kids. Find out if she wen let peopo she donno from far away come her house fo stay short time, an if she wen wash da dirt off da feet fo da peopo dat stay spesho fo God. Make shua she wen help da peopo dat get hard time, an wen go all out fo do all kine good tings. Den can put her on da lis.

Start 18:4

I goin tell one a da worka guys fo get litto bit watta fo wash you guys feets fo you guys lay down an res litto bit unda da tree.

Jesus Show 7:14

I tell him, “Mista, I donno. But you know!” He tell, “Dis all da peopo dat come out from da big trouble. Da Bebe Sheep Guy, he make um clean inside, cuz he wen bleed an mahke fo dem. Dey all clean inside, jalike wen peopo wash dea clotheses clean, an make um come white.

Hebrews 10:22

Az why, us guys goin come tight wit God. Inside, we goin like do wass pono an go all out fo trus God. Cuz God know dat all da bad kine stuff inside us no mo awready. Dass jalike he wen sprinkle us guys clean inside, an wash oua bodies clean wit clean watta.

Efesus 5:26

Christ do all dat fo make dem good an spesho fo God cuz jalike he wash um an clean um up inside wit watta. Da stuff Christ tell um, dass wat make dem come clean inside.

1 Corint 6:11

Dass how some a you guys was befo time. But God, he make you guys come clean from all da bad kine stuff you wen do. He make you guys come spesho fo him an make you guys get um right wit him. All dat happen cuz you guys stay tight wit Da One In Charge. Az Jesus, God Spesho Guy. An you stay tight wit oua God Spirit too.

Jesus Guys 22:16

An now, wat you stay waiting fo? Stan up, get baptize. An all da bad kine stuff you wen do, Da One In Charge goin clean um up an throw um away cuz you aks him fo help you.’

2 Kings 3:11

But Jehoshafat tell, “No mo nobody dat talk fo Da One In Charge ova hea, o wat? Fo us guys aks Da One In Charge wat fo do!” One officer fo da Israel king tell, “Elisha, Shafat boy, stay hea. Befo time, he hang out wit Elijah fo help him.”

1 Samuel 25:41

She go down an put her face on top da groun, an tell, “Kay den! I stay ready fo wateva David like, even fo wash his worka guys feets.”

Prieses 14:8

“Da guy dat da pries guy do all dis fo, da guy gotta wash his clotheses, shave off all his hair, an bafe in watta. Den he ready fo come in front me. Afta dat he can go inside da camp, but he still gotta stay outside his tent fo seven day.

1 John 5:6

Jesus, he da Guy dat wen come wit watta, da time John wen baptize him. He come wit blood, da time dey wen kill him. He come, not wit watta ony, but wit watta an blood. God Spirit tell us dat dis stay true, cuz his Spirit erytime tell da trut.

1 John 1:7

But if we do good kine stuff, dass jalike us stay inside da light, jalike God stay inside da light. Den us stay tight wit each odda. You know, Jesus, God Boy, he wen bleed an mahke, an dass jalike his blood make us come clean inside from all da bad kine stuff us wen do.

John 19:34

But one army guy stab him wit his spear on da side, an blood an watta come out.

Luke 7:38

She stan behind Jesus by his feets. She stay cry, an her tears make his feets wet. Den she wipe his feets wit her hair, kiss um, an pour da perfume on top dem.

Zekariah 13:1

Da One In Charge tell dis: “Dat time, jalike God goin open one puka fo watta fo da David ohana an da peopo inside Jerusalem. An from dat watta, dey goin make dea peopo come clean inside from all da bad an pilau kine stuff dey wen do.”

Ezekiel 36:25

“Jalike I goin splash clean watta on top you guys an you guys goin come real clean inside. I goin make you guys come real clean from all da pilau kine stuff you guys wen do an from yoa idol kine gods.

Jesus Show 1:5

An Jesus Christ, da Spesho Guy God Wen Sen, I like him do plenny good tings fo you guys. Can trus him fo tell da trut bout wat God tell him. He da firs One dat come back alive from mahke. He da main leada ova all da kings inside da world. He da One dat get love an aloha fo us guys. He wen bleed an mahke, An make us come clean From all da bad kine stuff we do.

Isaiah 1:16

Wash! Go come clean inside! Throw out all da bad kine stuff you stay do. No do wass wrong no moa, Dass right; no do um no moa!

Outa Egypt 29:4

“Den bring Aaron an his boys ova dea in front da Tent Fo Come Togedda Wit Me, in front da door. Wash dem in watta.

John 13:10

Jesus tell him, “Whoeva wen bafe, dey ony need wash dea feets. Dea body stay clean awready. You guys stay clean inside, but not all you guys.”

John 13:8

Peter tell him, “No way you eva goin wash my feets!” Jesus tell him, “If I no wash you, den you no can be my guy.”

Start 43:24

He bring um all inside Joseph house, he give um watta fo wash dea feets, an he give um stuff fo da donkeys eat.

Local Leadas 19:21

So he bring dem his house, an give da donkeys food. Afta dey wash dea feets, dey eat an drink.

John 13:6

He go by Simon Peter. An Peter tell um, “Eh, Boss! Wat you stay do? You goin wash my feets, o wat?!”