John 10:6 - Hawaii Pidgin Bible

⁶ Jesus tell dem dis story fo teach um, but dey neva undastan wat he stay teaching dem.

John 10:6 交叉參考

Isaiah 56:11

Da leada guys, dey jalike greedy dogs Dat no get enuff fo eat! But same time, dey da ones Dat suppose to take kea da peopo Jalike da guys dat take kea da sheeps, But dey no undastan notting! All dem turn away An go any place dey like. Dey ony tink fo get eryting fo ony dem.

Smart Guys 28:5

Da bad kine peopo, Dey donno how fo judge da right way. But da peopo dat like know Da One In Charge fo real kine, Dey know eryting bout wass right an wass wrong.

Songs 82:5

“Dem odda ‘gods,’ da ones in charge, Dey donno notting! Dey no undastan notting! Any place dey go, bad tings happen Jalike inside one dark place! Eryting dat make da world solid Stay shaking cuz a dem!”

John 16:25

“Till now I wen teach you guys wit stories. Da time goin come wen I no goin teach you guys wit stories lidat no moa. Den I goin tell you fo real kine bout my Faddah.

Matthew 13:51

Jesus tell, “Eh! You guys undastan all da stuff I stay tell you?” Dey tell, “Yeah, aah, we undastan.”

Daniel 12:10

“Plenny peopo goin clean up All da bad kine stuff dey get inside, So no mo notting bad goin stay inside dem. All dat goin be jalike one tes Fo make shua dey stay clean inside. But da bad kine guys goin still stay do bad kine stuff. No goin get nobody from da bad kine guys Dat goin undastan. But da leada guys dat know how come all dis stay happen, Dey goin undastan.

Songs 106:7

Da time oua ancesta guys Stay Egypt side, Dey neva undastan Da awesome tings you wen do. Dey foget how plenny Da nice kine stuff you wen do. Dey even wen go agains you Dat time dey stay nea da Red Sea!

1 John 5:20

We know dat God Boy wen come an help us guys fo undastan. Az how we know da real God. Us guys stay tight wit da One dass da real God—wit God Boy Jesus, da Spesho Guy God Wen Sen. Dass da real God, an dass da real kine life dat goin stay to da max foeva!

1 Corint 2:14

Dass why, if get one guy dat no mo God Spirit in charge a him, but ony da spirit dat da peopo inside da world get, dat guy no goin lissen da stuff dat come from God Spirit. He goin figga, “Az wase time!” No way da guy goin undastan. Gotta stay tight wit God Spirit fo figga out if dat kine stuff stay true.

John 8:43

How come you guys no can undastan da stuff I stay tell you? Cuz you guys no like lissen, dass why!

John 8:27

(He mean his Faddah. But dem guys, dey no undastan.)

John 7:36

Wat he mean wen he tell, ‘You guys goin look fo me, but you no goin find me,’ an ‘Da place I goin stay, you guys no can go dea’?”

John 6:60

Den plenny guys dat go wit Jesus, wen dey hear all dat stuff, dey tell, “Wow! Dis stuff too hard fo tink az fo real kine!”

John 6:52

Den da Jew guys start fo argue mo hard wit each odda. Dey tell, “Eh, wat dis guy stay talk bout? How he can give us his body fo eat?”

Matthew 13:34

Jesus tell ony stories fo teach plenny peopo plenny stuff. He neva teach um wit odda kine stuffs.

Mark 4:34

He neva teach dem odda stuff, ony wit stories. But erytime he stay ony wit da guys he stay teach, he tell dem wat da stories mean.

John 16:29

Den da guys he stay teach tell him, “Eh! Now you stay talking fo real kine, an not ony stay teaching wit stories!

2 Peter 2:22

But dose teacha guys dat bulai, az true wat da Bible tell inside da Smart Guys book: “Da dog bahf, an den he go back by um.” An same ting, “Da pig, you clean um up, an den real quick he go back lie down inside da mud.”