Joel 3:15 - Hawaii Pidgin Bible

¹⁵ Da sun an da moon goin come dark, An da stars no goin shine.

Joel 3:15 交叉參考

Joel 2:10

Da earth shake in front um. Da sky shake too. Da sun an da moon come dark. Da stars no shine no moa.

Matthew 24:29

“Right afta dat time fo suffa plenny, dis wat goin happen: “ ‘Da sun goin come black. Da moon no goin shine. Da stars goin fall down from da sky. An all da spirits inside da sky dat get plenny powa, Dey goin come all hamajang.’

Joel 2:31

Da sun goin come dark, An da moon goin come red jalike blood. Dat goin happen befo da big an skery time Wen Da One In Charge come fo take ova.

Isaiah 13:10

Da stars in da sky an da kine pichas dey make Dey no goin get light dey make. Da sun goin come up dark. Da moon no goin get light.

Mark 13:24

“Right afta dat time fo suffa, Da sun goin come black. Da moon no goin shine.

Jesus Show 8:12

Da numba four angel guy blow his trumpet, an someting hit thirty percent a da sun, thirty percent a da moon, an thirty percent a da stars, an dey come dark. Da day time, thirty percent mo dark, an da nite time, thirty percent mo dark.

Teacha 12:2

Befo da sun an da light from da moon an da stars look dark cuz you ol, An da dark rain clouds stay come back fas afta da rain pau.

Ezekiel 32:7

Wen I pio you, I goin cova da sky, An make da stars come dark. I goin cova da sun wit one cloud, An da moon no goin give da light she give.