Joel 2:23 - Hawaii Pidgin Bible

²³ You peopo on top Mount Zion, stay real good inside, Cuz yoa God, Da One In Charge, give you plenny rain. He give rain befo da cold time come. Cuz he do da right kine tings. He sen plenny rain befo da cold time An afta da cold time, jalike befo time.

Joel 2:23 交叉參考

Philippi 4:4

Kay den. You guys stay tight wit Da One In Charge. Cuz a dat, stay good inside erytime, no matta wat happen! I like tell dis one mo time: Eh! Stay good inside!

Prieses 26:4

den I goin sen rain da right times fo you guys. Da groun goin grow food, an da trees inside da field goin give you fruits.

Hosea 6:3

Good we know Da One In Charge. Good we go all out fo know um. Jalike us guys stay shua da sun goin come up, We stay shua Da One In Charge goin show up— Jalike da rain dat come winta time, An jalike da rain give watta on top da earth spring time.”

Rules Secon Time 11:14

den I goin bring rain on top yoa land da right time, da Octoba rain an da April rain. Den you guys goin harves da wheat an da barley, an get grape fo make new wine an olive fo make olive oil.

Isaiah 41:16

Jalike wen you throw da junks up in da air, An da wind blow um, Den one strong wind blow um all away. But you guys goin stay real good inside Cuz you stay tight wit Da One In Charge, An you goin talk plenny bout how awesome Da One In Charge stay, Da Good An Spesho God fo da Israel peopo.

Songs 149:2

Eh you Israel peopo! Show how good You feel inside, Cuz Da One In Charge Wen make you guys! You peopo dat come togedda fo pray On top Mount Zion, Go dance an sing, Cuz you get Da One In Charge Fo yoa king!

Philippi 3:1

Kay den, my braddahs an sistahs. Stay good inside cuz you guys stay tight wit Da One In Charge! Da kine stuff I stay tell you guys inside dis letta, dass fo help you guys fo stay outa trouble, an dat no bodda me fo tell you guys dat one mo time.

Zekariah 10:1

Tell Da One In Charge fo sen rain spring time. Cuz him da One dat make da clouds wit thunda. He goin sen rain showas fo da peopo. He make da plants grow good inside da fields fo erybody.

Songs 28:7

Da One In Charge, he da One make me strong, An he jalike one shield fo no mo notting hurt me. Inside I trus him. Da One In Charge wen give me powa. He wen help me, an I stay good inside. I like how awesome he stay Dass why I sing dis to him

Isaiah 30:23

Da One In Charge goin sen rain Fo da seeds you guys goin plant inside da groun. Da food dat da groun bring up From da seeds you guys plant Goin be good kine, an goin get plenny. Dat time yoa cows goin get plenny fo eat Inside da big field.

Rules Secon Time 32:2

I like wat I teach fall down jalike da rain. An wat I tell come jalike wen get plenny dew, Jalike small kine rain on top da new grass, Jalike plenny rain on top young plants.

Rules Secon Time 28:12

“Da One In Charge goin open up da sky wea he keep plenny good stuffs, fo sen rain on top yoa land da right time, an fo make eryting you guys do go good. Plenny peopos goin borrow stuff from you, but you guys no goin need borrow from nobody.

Philippi 3:3

Dey tell, “Fo be God guy fo real kine, gotta cut skin.” But you know, us guys, us da guys dat get God Spirit. Dass da mark fo show dat us God guys, not dem. Cuz wen us do stuff fo God, dass da Spirit dat help us fo do um. Us guys can feel real proud cuz we stay tight wit God Spesho Guy, Jesus Christ. We no tink we okay jus cuz somebody wen do someting to oua body.

Zekariah 10:7

Da Efraim guys goin come jalike strong guys dat fight. An dey goin stay good inside jalike wen dey drink wine. Dea kids goin see wat happen an stay good inside. Dey goin stay good inside cuz a Da One In Charge.

Jeremiah 5:24

Dey no talk jalike my peopo. Dey no tell: ‘Eh, we goin come sked an shake An get choke respeck fo oua God, dass Da One In Charge a us! He give da rain da right time hea, Novemba kine rain, an March kine rain. He make shua ery year get food ready fo harves.’

Songs 104:34

Wen I tell him da tings I tink bout, I like him tink, “Dass good!” I goin stay real good inside Cuz I stay tight wit Da One In Charge!

Jeremiah 3:3

Az why I wen hold back da Novemba rain, An no mo March rain too. But you guys make hard head Jalike one hoa. You guys no let nobody make you come shame.

Isaiah 61:10

I stay feel plenny good inside cuz a Da One In Charge. I feel real good cuz a my God. Cuz jalike he give me clotheses fo wear Dat show he da One get me outa trouble, An jalike he give me one nice robe Fo show I get um right wit him. I feel jalike one guy dat goin get married An wear one fancy hat jalike da pries guys, An I feel jalike da lady dat goin marry too, An wear all kine jewelry!

Isaiah 30:21

Den, even if you go da wrong way, Jalike you leave da road An go da right side o da lef side, You goin hear somebody behind you tell, “Eh! Da right way stay ova hea! Go dat way!”

Smart Guys 16:15

Wen da king face look nice, Dat mean he like you an you goin live long time. Wen he like wat you do, Az good fo you, az jalike da clouds Dat bring rain jus da right time.

Songs 32:11

Eh! All you peopo dat get um right Wit Da One In Charge, Stay good inside, Cuz you stay tight wit him! All you guys dat get one good heart Fo do da right ting, Dance an sing, Cuz you stay real good inside!

Job 33:23

“Maybe da sick guy get one angel messenja guy by him, One helpa guy dat talk fo him. God get tousans a messenja guys Fo tell peopo wass right fo dem do, you know.

Zekariah 9:9

Stay good inside, my Zion peopo! Yell, my Jerusalem peopo! Look! Yoa king stay come by you! He erytime do da right ting. He get you guys outa trouble! He make nice kine to erybody, An stay ride on top one donkey, even one young donkey.

Amos 4:7

Da One In Charge tell: “Da time you guys wen need da rain da mostes, Fo three month befo you harves da food, Was me dat hold back da rain. I wen make da rain go one town an not da odda town. Had rain one field, an anodda field dry up.

Sad Song 4:2

Da ones dat born Zion side worth plenny, jalike gold. But now dey ony worth one clay pot dat some guy make.

Zekariah 9:13

I goin bend da Judah peopo jalike I bend one bow. An make da Efraim peopo jalike da arrows. I goin make you guys jalike one sword fo fight. I goin bring yoa Zion boys Agains da Greek boys.

Jesus Guys 14:17

But he show dem who him cuz he do good stuff fo dem. He give you guys rain from da sky an plenny fruit fo harves time. He give you guys plenny food fo eat an make you guys come real good inside.’ ”

Songs 84:6

Even wen dey go from one side To da odda side a da dry Balsam Tree Valley, Dey make um jalike get One real nice watta spring ova dea! Jalike da fall rain make pond All ova da place!

1 Kings 8:36

Den I like you lissen from da sky, An let go yoa Israel peopo Fo da bad tings dey wen do, An hemo dea shame! Teach dem da right way fo live, An let da rain come down on top da land, Dat you wen give yoa peopo fo come dea land.

Job 37:13

Get time wen God bring da clouds fo punish peopo, An get time he bring um fo watta his land, An get time he bring um fo show peopo he stay tight wit dem. He make all dat happen.

Songs 147:8

Da One In Charge, he da One Dat make da clouds cova da sky, An give da groun enuff rain, An him da one dat make da grass Come up all ova da mountains.

Ezekiel 34:26

I goin do good tings fo my peopo, an fo all da place aroun da hill dat stay spesho fo me. I goin bring rain an dis goin be good fo da peopo.