Joel 2:11 - Hawaii Pidgin Bible

¹¹ Da One In Charge make noise jalike da thunda. He lead his army guys, Mo plenny den can count um. Dey strong, an dey do wat he tell um fo do. Da time wen Da One In Charge come fo take ova, Erybody goin stay sked an suffa. No mo nobody can hang in dea.

Joel 2:11 交叉參考

Songs 18:14

He sen da lightning jalike he shoot arrows, He make da peopo dat stay agains him Run all ova da place. He make da arrows flash plenny times wit lightning, So da peopo donno wat fo do.

Songs 46:6

Wen God tell someting, Soun jalike thunda. Da diffren peopos, Dey make plenny noise, cuz dey sked! Dea govmen guys, Dey no can stan up strait! Jalike da groun stay melt unda dem!

Songs 68:18

You wen go up to da mos high place. You wen capcha plenny prisonas. You wen take da presents Peopo bring you, Even da peopo Dat no like fo Yah live dea, Dass God, Da One In Charge!

Isaiah 13:4

“Lissen up! Get big noise on top da mountains, Soun jalike get plenny peopos on top dea! Lissen up! Da king guys an dea nations, Dey stay coming togedda fo fight Babylon! Da One In Charge, da God Ova All Da Armies, He stay make ready one army Fo go make war.

Isaiah 42:13

Da One In Charge, he goin out fo fight Jalike one strong army guy. Jalike one army guy he stay ready fo fight, An he yell. He stay huhu, an he yell fo start fo fight Da guys dat stay agains him, An he goin be da winna ova dem!

Isaiah 7:18

Dis how goin be dat time. Da Boss, Da One In Charge goin bring big armies agains da Judah land. He goin whistle fo call all da flies from da Nile Riva an from all da watta ditch far away inside Egypt. An he goin whistle fo all da bees fo come from Assyria.

Jeremiah 25:30

“You, Jeremiah, go talk fo me to all da diffren peopos. Tell all dis stuff agains dem, an tell dem: “ ‘Jalike one lion dat stay ready fo hunt, Da One In Charge goin make big noise from da sky. He goin make thunda From da place dat stay spesho fo him. He goin make one big noise fo make da sheeps come sked his peopo. An he goin yell plenny, Jalike da guys dat step grapes fo make wine. He goin yell agains all da peopo dat live on top da earth.

Jeremiah 30:7

Eryting goin come real bad! Goin come real hard fo erybody! No goin get anodda day like dat! Too much presha fo da peopo dat come from Jacob! But me, Da One In Charge, I goin get dem outa dat trouble.”

Jeremiah 50:34

But da One dat goin get da Israel peopo outa trouble, stay strong. Dass Da One In Charge, da God Ova All Da Armies, Az wat kine god him. He goin stan up fo dem Fo dem res real good inside dea land. But he goin bring trouble Fo da peopo dat live inside Babylon.”

Ezekiel 22:14

Bumbye, I goin poin finga you guys. Wen I do dat, you guys figga you can handle da blame, o wat? You figga you strong enuff fo handle dat, o wat?! Me, Da One In Charge, tell dis an I goin poin finga you guys.

Joel 1:15

Bummahs, dat time! Cuz pretty soon, Da One In Charge goin come. Dat time, Da God Dat Get All Da Powa Goin wipe out peopo.

Joel 1:6

Da grasshoppa army wen attack my land. Dey strong an dey plenny. Dey get teets jalike one lion, Dea big teets, jalike one wahine lion.

Joel 2:1

Blow da sheep horn trumpet On top Mount Zion! Yell to da peopo on top da hill dat stay spesho fo me, An tell um watch out! Good, dat erybody dat live inside da land goin shake cuz dey sked. Cuz da time stay nea fo Da One In Charge come!

Joel 2:2

Goin be one dark an sad time. Goin get plenny black clouds. One big an strong army goin come, Jalike wen da light spread out morning time ova da mountains. No mo nobody eva see dat kine befo time, An not goin happen one mo time, Fo all da years an generations.

Joel 2:25

I goin pay you guys fo all da years Wen da locust kine grasshoppa wen eat up eryting. Da young grasshoppas, da worm grasshoppas, An da caterpilla grasshoppas, I wen sen um jalike one big army agains you guys.

Joel 2:31

Da sun goin come dark, An da moon goin come red jalike blood. Dat goin happen befo da big an skery time Wen Da One In Charge come fo take ova.

Joel 3:14

Plenny peopo stay inside da valley Wea da judge make up his mind. Cuz da time stay nea wen Da One In Charge goin take ova Inside da valley wea da judge make up his mind.

Joel 3:16

Da One In Charge goin make one big noise From his temple on top Mount Zion. His voice goin soun real loud from Jerusalem. Da earth an da sky goin shake. But Da One In Charge goin be jalike one place fo hide fo his peopo, Jalike one strong place wea da Israel peopo can hide.

Amos 1:2

Dis wat Amos tell: “Da One In Charge Up Dea Inside Da Sky, He make one big noise from Zion Hill! He talk strong from Jerusalem town, jalike thunda! Wen he do dat, da places wea da sheep guys go fo find grass, No mo grass, notting! An da trees on top Mount Carmel all dry up too.”

Amos 5:18

Anodda time, Amos tell: “Bummahs, fo you guys dat talk lidis: ‘Time awready fo Da One In Charge show up!’ Wat you guys tink goin happen to you Wen Da One In Charge come back, aah? Wen he show up, eryting goin come hard fo you guys, not good! Jalike one storm make eryting come dark, no mo light!

Amos 5:20

Dat time, wen Da One In Charge come back, no goin be good fo you! No goin get light! Ony goin get dark, Jalike wen get one real dark nite an no can see notting.”

Obadiah 1:15

“Da time stay nea Fo me Da One In Charge take ova all da nations! Jalike you guys wen do to da Israel peopo, I goin do da same ting to you Edom guys!

Nahum 1:6

Wen Da One In Charge stay real huhu, No mo nobody can stan in front him. Wen he mad, jalike he throw fire on top you. Jalike da cliffs come broke up cuz a him.

Malakai 3:2

“Da messenja guy goin come, An you figga you can handle wen he come?! No way! He goin show up, An you tink you can face him An no run away? Not even! Cuz him, he real strong, Jalike da real hot fire dat da peopo use Fo take da junk stuff outa da silva, An jalike da wash soap Da peopo use fo make da clotheses come real clean.

Census 24:23

Den Balaam tell dis spesho message from God: “Bummahs! Who can stay alive wen God make all dis happen?!

1 Tessalonika 4:16

Cuz God goin give da orda fo wat erybody gotta do. Da main angel guy goin call um out, an somebody goin blow God trumpet. An Jesus, Da One In Charge, goin come down from da sky! Den da mahke guys dat wen stay tight wit Christ, dey goin come alive one mo time!

Jesus Show 18:8

“Dass why in one day all da big kine troubles Goin come on top Babylon, jalike da wahine. All kine sick goin come. Da Babylon peopo goin come all kine sore inside. No mo notting fo eat. Fire goin come an burn um up. Cuz God, Da One In Charge, get all kine powa, An he goin come fo judge Babylon!”

Jesus Show 6:17

Cuz da time stay come awready wen dey goin punish us. Horraz! Fo shua, no mo nobody goin come out alive!”