Jeremiah 9:5 - Hawaii Pidgin Bible

⁵ Ery fren bulai dea fren. No mo nobody tell da trut. Dey teach dea tongue fo bulai. Den dey come tired Cuz dey make eryting come hamajang.

Jeremiah 9:5 交叉參考

Habakkuk 2:13

Look! Fo shua, Da One In Charge, da God Ova All Da Armies, He make dis happen: Da peopos bus ass, But wat dey build ony goin burn up. Dey goin come real tired fo notting!

Micah 6:12

All da rich guys from Jerusalem ony like bus up peopo. Da peopo dat live ova dea stay bulai erytime. Erytime dey talk, dey make scam.

Isaiah 57:10

You guys look all ova da place fo find new gods, An you come tired from all dat. But you no tell, “All dat, az wase time!” Cuz you no give up, You wen come strong one mo time, Dass why you no pass out.

Job 15:5

Cuz da bad kine stuff you do, Az why you talk lidat, Da way sneaky kine peopo talk.

1 Timoty 4:2

Dey tell one ting an do da odda, an dey bulai. Inside notting bodda dem wen dey do wass wrong, an dey no feel sorry notting wen dey do bad kine stuff.

Efesus 4:25

Kay den. No bulai nobody no moa. All you guys gotta tell each odda da trut cuz all us da same ohana.

Micah 6:3

Eh, my peopo, Wat I wen do agains you guys, aah?! Wat kine stuff I wen do Fo make you guys tell me az why hard?! Tell me da ansa!

Ezekiel 24:12

But no matta how hard you do all dat, no can hemo da stuff dat stick to da pot. Cuz a dat, throw um all inside da fire!

Jeremiah 9:8

Wateva dey tell, az jalike one poison arrow Cuz dey bulai. Dey tell dea frenz, ‘I like eryting come good fo you,’ But inside, dey make plan fo jump um an kill um.

Jeremiah 9:3

Dis da message from Da One In Charge: “Dey get dea mout ready fo bulai, Jalike how you make one bow ready fo shoot arrows. An cuz dey bulai an you no can trus um, Az how dey win inside da land. Dey do one bad kine ting, an den anodda bad kine ting. But me, Da One In Charge, dey donno who me!”

Isaiah 5:18

“Bummahs! fo da peopo dat drag All da bad kine stuff dey stay do wit dem, Jalike dey stay pulling heavy stuff wit one rope, But da stuff dey stay pulling no worth notting! Dey stay do bad tings, Jalike dey stay drag one wagon wit one rope.”

Smart Guys 4:16

Dat kine peopo, Dey no can go sleep, Dey gotta do someting bad firs! Da sleep no come, Till dey make somebody do someting bad!

Songs 140:3

Da stuff dey tell can kill you, Jalike one snake bite. Wen dey open dea mout, Eryting dey tell, Jalike da poison from da cobra snake. (Time out fo da music.)

Songs 64:3

Dey make ready fo tell Tings dat hurt plenny, Jalike dey stay make dea swords sharp. Dey tink how fo talk bad An make eryting come bad, Jalike dey make ready Fo shoot poison arrows.

Songs 50:19

You use yoa mout fo do bad kine stuff, An da way you talk, You ony bulai peopo.

Songs 7:14

You know wat? Da bad kine peopo, Dey jalike wen one wahine come hapai, Den go born da bebe. Dey tink how fo do bad tings, An tink how fo make trouble happen, Den dey go bulai peopo.

Job 11:3

Wen you talk an talk, maybe you no let odda peopo talk too! Wen you make fun a somebody, maybe somebody gotta tell you, you wrong!

Start 19:11

Den da angel guys wack all da guys outside da house, da guys dat not importan an da guys dat importan. Dey wack um wit one real strong light, az why da guys outside no can see notting. Dey give up fo find da door.

Songs 52:3

You like do bad kine stuff Mo den good kine stuff. You like bulai, Mo den tell da trut. (Time out fo da music.)

Jeremiah 7:28

Az why you gotta tell um, ‘You Judah guys, da peopo dat no lissen yoa God, Da One In Charge. You guys no like learn notting wen he punish you fo make you go da right way. Fo you guys, no mo nobody tell da trut. You no even talk bout wass true!

Jeremiah 12:6

Even yoa braddahs an yoa ohana peopo, Dey stab you in da back. Dey go all out fo talk bad bout you. But no trus dem, no matta dey talk nice to you.”

Jeremiah 12:13

Da peopo goin plant wheat But ony thorns dey goin harves. Dey bus ass an come tired, But dea work no goin help dem notting. I like fo dem come shame cuz no mo wheat fo harves, Cuz Da One In Charge stay real huhu wit dem!”

Jeremiah 13:23

You tink da Sudan guys can change dea skin color?! No can! You tink da leopards can change dea spots? Not even! Same ting fo you guys. No way you can change an do good kine stuff! You ony know how fo do bad kine stuff!

Jeremiah 51:58

Dis wat Da One In Charge, da God Ova All Da Armies, tell: “Da thick Babylon wall goin come all broke down. Da high town gates goin come all burn up. Plenny nations wen work hard fo build um—fo notting. Wase time, all dose peopos wen work fo make wat da fire goin burn down!”

Jeremiah 51:64

Den tell, ‘Az how Babylon goin go down an no come back up no moa, cuz a all da bad kine stuff I stay ready fo make happen to dem. An dea peopo goin lose fight.’ ” Az all da messages Jeremiah wen tell. Dass it, pau awready.

Malakai 2:10

You no tink all us guys get da same faddah, o wat?! You no tink da one God wen make us guys?! How come all us guys ack So not even oua braddah trus us?! So! How come we ack jalike da deal pilau Dat God wen make wit oua ancesta guys?!

Local Leadas 2:10

Afta all da peopo dat stay alive dat time mahke, dea kids grow up. But dey donno Da One In Charge, an donno wat he wen do fo da Israel peopo.

Smart Guys 12:5

Wen da peopo dat do wass right make plan, Dey make shua, az not goin hurt nobody. Wen da bad kine peopo try tell you wass good fo you do, Dey ony trying fo trick you.

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”