Jeremiah 9:24 - Hawaii Pidgin Bible

²⁴ But anybody like talk big, Good he talk big bout dis, Dat he undastan me an know me, Cuz he know dat me Da One In Charge, An I help peopo stay tight wit me, An judge da right way erytime, An do da right kine ting inside da world. Cuz da kine peopo dat make lidat, Make me stay good inside!” Az wat Da One In Charge tell.

Jeremiah 9:24 交叉參考

2 Corint 10:17

You know, da Bible tell, “Da guy dat talk big, let um talk big bout Da One In Charge.”

Galatia 6:14

But me, I ony goin talk big bout how Da One In Charge, Jesus Christ, wen mahke on top da cross. No way I eva goin talk big bout odda stuff cuz Christ wen mahke on top da cross. Az why fo me, jalike all da bad kine tings inside da world stay mahke awready, an dey no mo powa ova me. I no goin like do um, cuz jalike I stay mahke die dead fo dem tings.

1 Corint 1:31

So den, jalike da Bible tell befo time: “Anybody like talk big, mo betta dey ony talk big bout Da One In Charge erytime, an not talk big bout ony dem!”

Micah 6:8

Den Micah tell: “No need! Da One In Charge tell you awready Wass good fo you do, An how he like you fo ack. You gotta do wass right, An stay tight wit God ery day, An come las, not firs, wit God.”

Micah 7:18

Den Micah tell: “No mo anodda god jalike you! You let go da peopo dat still stay alive, No matta dey wen do bad kine stuff. You hemo all da shame dey get cuz dey wen go agains you, An you no stay huhu long time. You take da peopo dat stay come back by you, Cuz you stay good inside wen you stay tight wit dem.

Songs 44:8

All day us guys tell, “God, he da greates!” We make shua erybody know foeva Wat kine god you! (Time out fo da music.)

1 John 5:20

We know dat God Boy wen come an help us guys fo undastan. Az how we know da real God. Us guys stay tight wit da One dass da real God—wit God Boy Jesus, da Spesho Guy God Wen Sen. Dass da real God, an dass da real kine life dat goin stay to da max foeva!

John 17:3

Dis wat da kine life mean dat stay fo real kine foeva: dat da peopo dat get dat kine life know you, da ony God dass fo real, an dat dey know me too, Jesus Christ, da Spesho Guy You Wen Sen.

Songs 51:1

Eh God! Give me chance, Da way erytime you stay tight Wit yoa peopo. Cuz you stay get plenny pity fo dem, Az why you gotta hemo da shame I get Cuz I wen go agains you.

Songs 91:14

Da One In Charge, dis wat he tell: “Eh, dis guy get love an aloha fo me An stay tight wit me, An he my guy cuz he know Who me fo real kine! Dass why I goin get him outa trouble An no let notting hurt him.

1 Samuel 15:22

But Samuel tell: “You tink dat Da One In Charge feel mo good inside Wen you make all da diffren kine sacrifice, O wen you lissen him?! Wen you lissen, dass mo betta Den wen you make one sacrifice! Mo betta wen you find out wat God like, Den, kill da sheep!

2 Corint 4:6

God wen tell, “From da dark place, I like da light fo shine,” an he make his light shine inside us guys! Wen we look at Christ face, az jalike God give us da light fo undastan how awesome God stay.

Isaiah 41:16

Jalike wen you throw da junks up in da air, An da wind blow um, Den one strong wind blow um all away. But you guys goin stay real good inside Cuz you stay tight wit Da One In Charge, An you goin talk plenny bout how awesome Da One In Charge stay, Da Good An Spesho God fo da Israel peopo.

Rome 5:11

An get one mo ting! Cuz Da One In Charge, Jesus Christ, wen mahke fo us guys an make pono wit us guys, us can talk big bout God.

Jeremiah 4:2

Wen you guys make one strong promise, You gotta tell, ‘I shua Da One In Charge stay alive, Same ting I stay shua I goin do dis.’ You gotta tell da trut fo real kine, An judge da right way, Keep all da rules, An do wass right. If you guys do all dat, Den, wen diffren peopos tink bout me, Da One In Charge, Dey goin tell, ‘Da One In Charge do good kine stuff fo us guys!’ An dey goin talk big bout me cuz dey know me, Da One In Charge.”

Isaiah 61:8

Cuz me, Da One In Charge, Wen peopo judge da right way Dat make me feel good inside! Wen peopo steal stuff cuz dey bad, I no like dat. Dey can trus me fo do wat I tell I goin do. I goin give dem wat dey wen work fo, An make one deal wit dem dat stay foeva.

Songs 99:4

Eh God! You da strong king. You get love an aloha Fo whoeva do da right ting! You da One dat tell Wass da bestes way fo da Israel peopo An you set up da rules fo dem, How fo do wass right.

Luke 10:22

Jesus tell, “My Faddah give me eryting, you know. Nobody know me da way my Faddah know me. An nobody know my Faddah fo real kine, ony me, I know him, an da peopo I like show him, dey know him too.”

Matthew 11:27

Den Jesus tell dem, “My Faddah in da sky give me eryting, you know. I his Boy, an az why he do dis. Nobody know me jalike my Faddah know me. An nobody know my Faddah fo real kine, ony me, I know him, cuz I his Boy. An da Boy da one dat pick da peopo he like show da Faddah to dem.

Philippi 3:3

Dey tell, “Fo be God guy fo real kine, gotta cut skin.” But you know, us guys, us da guys dat get God Spirit. Dass da mark fo show dat us God guys, not dem. Cuz wen us do stuff fo God, dass da Spirit dat help us fo do um. Us guys can feel real proud cuz we stay tight wit God Spesho Guy, Jesus Christ. We no tink we okay jus cuz somebody wen do someting to oua body.

Isaiah 45:25

But wen all da peopo Dat come from oua ancesta Israel Stay tight wit Da One In Charge, Den dey goin get um right wit him. An dey goin tell good stuff bout him.”

Songs 20:7

Some peopos trus da real plenny war wagons dey get, Odda guys, dey trus all da horse dey get fo win da war. But fo us guys, da One us call fo help us, az Da One In Charge, Cuz we know wat kine god him.

Songs 34:2

I like talk big bout Da One In Charge, Cuz a wat he do. Wen da peopo dat no tink Dey gotta be numba one Hear bout him, Dey goin stay good inside jalike me.

Isaiah 20:5

Da Judah peopo dat wen trus da Sudan peopo an talk big bout da Egypt peopo, dey goin lose fight an come shame too.

Jeremiah 22:16

He wen make shua da judge guys do da right ting Fo help da peopo dat no mo notting, an need stuff. Dass how come eryting come good fo him. Cuz wen you know me, Da One In Charge, fo real kine, az how you goin ack! Az wat Da One In Charge tell.

Songs 34:3

Me an all you guys togedda, We tell peopo, “Da One In Charge, he awesome!” All togedda we tell, “We know who him, An he da greates!”

Songs 44:9

But now, God, You make us guys Jalike we notting. You make us guys come shame. You no go wit oua army guys fo fight.