Jeremiah 9:22 - Hawaii Pidgin Bible

²² So tell um, “Dis, da message from Da One In Charge: Da mahke bodies all ova da place, Jalike rubbish all ova da country side. Da mahke bodies jalike wheat dat some guy wen harves, But no mo nobody dea fo pick um up fo bury um.”

Jeremiah 9:22 交叉參考

Jeremiah 8:2

Dey goin put da bones on top da groun so da sun, da moon, an all da stars inside da sky goin shine on top um cuz da sky kine gods, az da ones da Jerusalem peopo get love an aloha fo an work fo. Dey follow da sky kine gods, an dey aks um wat fo do, an dey go down in front um fo show um respeck. No mo nobody goin pick up da bones fo bury um. Dey goin stay on top da groun jalike dey rubbish.

Jeremiah 25:33

“Dat time, da peopo Da One In Charge goin kill, you goin see dea bodies all ova da place, from one side a da earth to da odda side. No mo nobody goin cry fo dem. No mo nobody goin take away da bodies. No mo nobody goin bury dem. Dea mahke bodies goin stay ova dea jalike rubbish all ova da groun.

Zefaniah 1:17

Me, Da One In Charge, I goin make da peopo come bum out. Dey goin walk jalike dey no can see notting, Cuz dey wen do bad tings agains me, Da One In Charge. Dea blood goin pour out jalike watta. Dea guts goin come out jalike doodoo.

Jeremiah 16:4

“Dey goin mahke cuz a all bad kine sick. No mo nobody goin stay sad inside an cry fo dem. No mo nobody goin bury dem. Dea mahke bodies goin lay on top da groun jalike rubbish. Dey goin mahke from da war, an cuz no mo food. Dea mahke bodies goin come food fo da birds an da wild animals.”

Isaiah 5:25

Dass why Da One In Charge stay come huhu Agains his peopo. He put up his hand An stay ready fo wack dem down. Dass why da mountains stay shake, An da peopo body dat mahke Lay all ova outside jalike opala. “But no matta God wack his peopo lidat, He still yet stay huhu An he stay ready fo wack um one mo time.

Songs 83:10

Da time oua peopo Wen wipe dem out nea Endor, An da mahke bodies wen rot An come jalike manua Fo da groun ova dea.

Jeremiah 7:33

Den, da mahke peopo bodies dat no mo room fo bury goin come food fo da birds an da wild animals, an no mo nobody goin make dem sked fo dem run away.

2 Kings 9:37

Her mahke body goin come dog doodoo on top da groun Jezreel side, so nobody goin know az Jezebel.”

Jeremiah 6:21

Az why Da One In Charge tell dis: “I da One goin make da peopo all jam up. Da faddahs an dea boys goin get wipe out same time. Frenz an peopo nea dem goin mahke.”

Rules Secon Time 8:17

But no go tink lidis: ‘Me, I get all dis rich kine stuff cuz my hand strong an I get powa!’

2 Kings 20:13

An wen Hezekiah hear bout da Babylon messenja guys, he go show dem eryting inside da palace. He show um da expensive kine oil, da silva, da gold, da balsamic oil, da good kine olive oil, da place wea dey keep da tings dey use fo fight—eryting Hezekiah get inside his storage places. No mo notting inside da palace o inside da whole land dat Hezekiah neva show dem.

2 Kings 20:15

Den da guy dat talk guy fo God aks, “Wat dey wen see inside yoa palace?” Hezekiah tell, “Dey see eryting inside my palace. No mo notting from all my rich kine stuff dat I neva show dem.”

Job 5:13

He use da plan dat da akamai guys make, Fo trap dem. Wen da smart guys tink dey goin do someting, God make um happen too fas fo come out good.

Songs 49:7

No mo nobody can pay God Fo let his braddah stay alive. You no can give God money Fo somebody no mahke.

Smart Guys 18:11

Da money dat one rich guy get, Fo him, dass jalike one strong wall aroun his town. Da way he tink, Da wall too strong fo anybody come inside.

Smart Guys 23:4

No go work hard fo come rich! Be smart an take um easy.

Habakkuk 1:11

Den dey move by you fas, jalike da wind. Dey go broke da rules an get plenny blame. Dey tink bout ony dea powa Jalike dat powa was one god.”