Jeremiah 9:15 - Hawaii Pidgin Bible

¹⁵ Az why dis da message from Da One In Charge, da God Ova All Da Armies, da God fo da Israel peopo: ‘Dis wat I goin do. I goin make dis peopo suffa, jalike I give um da kine food dat taste real bad fo eat, an poison watta fo drink.

Jeremiah 9:15 交叉參考

Jeremiah 8:14

Da peopo goin tell, “How come us guys stay sit in dese small towns?! Go come, us go run away togedda To da towns dat get one strong wall. Fo shua us goin mahke ova dea, Cuz oua God, dass Da One In Charge a us, tell we goin mahke. Jalike he give us poison watta fo drink Cuz we wen do bad kine stuff agains him.

Sad Song 3:15

God make me suffa plenny, Jalike I stay swallow someting dat taste real bad.

Songs 80:5

You make yoa peopo cry, An dass da ony food you give um. You give um buckets a tears, ova an ova, An dass all you give um fo drink.

Jeremiah 23:15

Az why Da One In Charge, da God Ova All Da Armies, tell dis bout da guys dat suppose to talk fo him: “Me, I goin make dem grind da kine food dat taste horraz, An drink watta wit poison inside. Get guys Jerusalem side dat suppose to talk fo me, Dey da ones wen start fo make peopo all ova da land Tink dat me, God, no matta.”

Jesus Show 8:11

Da star, dey call um “Bitta Taste.” Thirty percent all da watta come bitta, an plenny peopo drink um an mahke, cuz da watta come bitta.

Sad Song 3:19

Wen I tink bout how I suffa an donno wea I going, Az jalike I wen suffa an swallow stuff dat taste real bad.

Jeremiah 25:15

Dis wat Da One In Charge, da God fo da Israel peopo, tell me: “Take dis cup from my hand. Da wine inside da cup, jalike stay dea fo show dat I no like wat da diffren peopos do. Wea eva I sen you, make dem drink dis wine.

Isaiah 2:22

No trus da peopo! Da ones dat stay breave da air an stay alive, But wat you can trus dem fo do fo you, aah?! Notting!

Isaiah 2:17

Anybody stay get real high nose, Dey goin come notting. Anybody ack real high makamaka, Dey goin come shame. Dat time, Da One In Charge da ony One Da peopo goin talk good bout.

Songs 75:8

Wen Da One In Charge come huhu, Jalike he holding one big wine cup Full a strong kine wine mix wit spice An bubble coming up. He goin make all da peopo Inside dis world Dat do bad kine stuff Drink da whole ting, Down to da junks in da bottom, Fo punish dem!

Songs 69:21

Fo food, dey give me poison Dat taste bad, Wen I stay thirsty, Dey make me drink vinega.

Songs 60:3

You wen make yoa peopo suffa, Jalike you make um Drink da kine wine Dat make um piloot So dey no can stan up strait.

Rules Secon Time 29:18

Make shua no mo any guy o wahine, o ohana wit you guys, dat goin tell ‘Laytas’ to oua God, dass Da One In Charge a us. Make shua dey no go down an show respeck to da idol kine gods from dose peopos. Make shua no mo notting wit you guys dat make eryting come pilau.

Rules Secon Time 28:36

“Da One In Charge goin make you an da king you wen put ova you go by anodda nation dat you guys an yoa ancestas neva know befo time. Ova dea, you guys goin go down in front odda gods dat peopo make from wood an stone.

Jeremiah 24:10

I goin make war come to dem, I goin take away dea food, an goin sen one bad kine sick fo hurt dem till dey all come wipe out from da land dat I wen give to dem an dea ancesta guys.”

Jeremiah 44:27

I watch dem real good. So den watevas dey do wrong, I goin bus um up, an no do good kine stuff fo dem. All da Jews Egypt side goin mahke cuz a da war an cuz no mo food, till no mo nobody goin stay alive.

Jeremiah 49:37

I goin make da Elam peopo come sked an lose fight In front da peopo dat stay agains dem An like kill dem. I goin make bad kine stuff happen to dem Cuz I real huhu wit dem.” Az wat Da One In Charge tell. “I goin sen peopo wit swords fo chase da Elam peopo Till I pau wipe um out.

Ezekiel 5:2

Afta you pau make jalike you goin take ova Jerusalem, take one pile hair an burn um in da middo part a da Jerusalem map. Den take anodda pile, put um all aroun da map an chop um up wit da sword. An throw da odda part up fo da wind blow um all ova. Az cuz I goin pull out my sword an go afta dem.

Ezekiel 5:12

One third you guys goin mahke inside da town cuz dey goin come sick real bad kine, o dey no mo notting fo eat. One third you guys goin mahke from da sword fight outside da town. An one third you guys I goin scatta all ova da place. Den I goin pull out my sword an go afta dem.